Tio Teronen semeak taldearen eskutik, dantza emanaldiaz gozatzeko aukera izanen dute heldu den larunbatean, irailaren 5ean, Donezteben. Bearzana plazan izanen da emanaldia, 19:00etan. Euria eginez izanez gero, Ezkurra frontoian bilduko dira. Edukiera mugatua izanen da.
Musikak, dantzak eta eskulturak elkarri eskua emanen dioten dantza saioa larunbat honetan, irailaren 5ean, Berako Kultur Etxean izanen da, 19:00etan. 50 minutuko emanaldian Martxel Rodriguez lesakarra eta Jon Lopez koreografoak ariko dira dantzan Gaizka Sarasola lesakarraren musika doinuen erara.
Genero indarkeriarekin lotutako prestakuntza jarduerak antolatu ditu Lesakako udalak irail hasierarako, genero indarkeriaren aurkako Estatuko Paktuak lagunduta. BerHezi taldekoak izanen dira formatzaile. Izena eman eta informazio gehiagorako 692 18 92 86 telefonora deitu behar da. Helduei eta gazteei zuzendutako saioak izanen dira eta aforoa mugatua izanen dute.
Iarmendi parajean dauden 21 uso postuen enkantea larunbat eguerdian eginen dute, Etxalarko Herriko Etxean. Bertaratzeko maskara janztea derrigorrezkoa izanen da.