Otsailaren 22an Orakunde Eguna izanen dute Anizen. Baserritarrez beztitutuak, zarea eskutan eta musikariekin, etxez etxe ibiliko dira. Zartagin dantza, bazkaria eta haurrendako jokoak ere izanen dituzte eta etxez etxe bildutako puskekin eginen duten afariarekin borobilduko dute eguna.
Inauterietako larunbatean, otsailaren 22an, Beti Gazteko lerro dantza taldeak emanaldia eskainiko du herriko plazan. 19:00etan hasiko dira.
Larunbatean 20:00etan elizan hasiko da emanaldia
Joan den urtean zuen arrakastaren harira, aurten ere Nafar Lansarek 30 orduko informatika ikastaroa antolatu du. Urtarrilaren 14tik martxoaren 3ra eskainiko da, astearte eta ostegunetan, 17:00etatik 19:00etara, eskolako informatika gelan.
Asteazken eta ortzegunean haurrak izanen dira protagonista eta ortzirale eta larunbatean gazte eta helduak.
Lanak martxoaren 13ra bitarte aurkez daitezke Herriko Etxean
Ortzegun gizenarekin hasiko dituzte Lesakan inauteriak eta igande, astelehen eta asteartean izanen du bestak segida. Igande arratsean bilduko da seguruenik ere jende kopururik handiena, zakozarren bueltan. Goitar eta Fraindarrek ere urteroko itzulia osatuko dute eta asteleheneko mozorroen desfilean ere ez da ezusteko eta bitxikeriarik faltako.
Ortzegunean zingar-arraultze eskearekin hasiko dituzte inauteriak Etxalarren. Igandean, lagunartean bildu eta kontu zaharrak eta berriak astinduko dituzte, kinto bestak ospatuko dituzte-eta. Astelehenean gazteek eskea eginen dute baserrietan eta inauteriak borobiltzeko asteartean mozorro eta gurdien txanda izanen da.
Otsailaren 20an piztuko da arratsetik aitzinera inauteri giroa Donezteben. Triki-poteoarekin hasiko dituzte inauteriak eta larunbatera bitarte, haur, gazte eta helduek ongi pasatzeko aukera izanen dute. Eskolakoen kalejira koloretsua ez da faltako eta gazteek ere urteroko bisita eginen dute baserrietara. Larunbatean besta borobiltzeko karrozen desfilea eginen dute.
Otsailaren 21ean eta 22an ospatuko dituzte inauteriak Elizondon. Gazteen puska biltzearekin hasi, haurren desfilea segi eta iluntzean danbor soinuak zabalduko dituzte karriketan barna. Biharamunean, mozorroak jantzi eta mimoz prestatutako orgak karrikara ateratzeko eguna izanen dute.
Inauteriak ate joka dituzte Gartzainen. Bi egunez, heldu den ortzirale eta larunbatean, mozorroak soinean, harat-honatean ibiliko dira. Larunbatean herritar zahar zein gazteak bilduta, afaria eginen dute elkartean.
Inauteri giroa nagusituko da ortziralean eta larunbatean Lekarozen. Mozorroak soinean dituztela etxez etxe ibiliko dira herritarrak bi egunetan. Agirre musikaria izanen dute lagun eta dantzan eta mahaiaren bueltan primeran pasatzeko aukera izanen dute.
Otsaileko bigarren asteburuan baserriz baserri zabaldu zuten inauteri giroa Iruritako gazte eta helduek. Asteburu honetan herrigunean entzun ahalko dira kantu, dantza, barre eta kontuak. Ortziralean eta larunbatean etxez etxe ibiliko dira eskean eta lagunartean bilduko dira bazkaldu eta afaltzeko. Besta borobiltzeko musikarik ere ez da faltako.
Larunbatean gazte bazkaria Arranon, mozorro lehiaketa, bingoa, INRI taldearekin kontzertua eta Endara DJ izanen dute Buruztanka gaztetxeak, Arrano ostatuak eta Ernaik antolatuta, animazioa berezia izanen da otsailaren 22an, inauterietako larunbatean Arranon.