Otsailaren 20an, ostegunean, 18:30etik aurrera Zauria(k) proiektua izanen dute hizpide Atekabeltz Herrigunean. Sastrakak Leitzaldeko Feministak taldeak antolatu du hitzordua eta bertaratzen direnek, eromena, gaizkiegonak eta osasun mentala ikuspegi feminista batetik lantzen dituen proiektua ezagutzeko aukera izanen dute. Bertan izanen dira egileak.
Joan den urtean zuen arrakastaren harira, aurten ere Nafar Lansarek 30 orduko informatika ikastaroa antolatu du. Urtarrilaren 14tik martxoaren 3ra eskainiko da, astearte eta ostegunetan, 17:00etatik 19:00etara, eskolako informatika gelan.
Asteazken eta ortzegunean haurrak izanen dira protagonista eta ortzirale eta larunbatean gazte eta helduak.
Lanak martxoaren 13ra bitarte aurkez daitezke Herriko Etxean
Ortzegun gizenarekin hasiko dituzte Lesakan inauteriak eta igande, astelehen eta asteartean izanen du bestak segida. Igande arratsean bilduko da seguruenik ere jende kopururik handiena, zakozarren bueltan. Goitar eta Fraindarrek ere urteroko itzulia osatuko dute eta asteleheneko mozorroen desfilean ere ez da ezusteko eta bitxikeriarik faltako.
Ortzegunean zingar-arraultze eskearekin hasiko dituzte inauteriak Etxalarren. Igandean, lagunartean bildu eta kontu zaharrak eta berriak astinduko dituzte, kinto bestak ospatuko dituzte-eta. Astelehenean gazteek eskea eginen dute baserrietan eta inauteriak borobiltzeko asteartean mozorro eta gurdien txanda izanen da.
Otsailaren 20an piztuko da arratsetik aitzinera inauteri giroa Donezteben. Triki-poteoarekin hasiko dituzte inauteriak eta larunbatera bitarte, haur, gazte eta helduek ongi pasatzeko aukera izanen dute. Eskolakoen kalejira koloretsua ez da faltako eta gazteek ere urteroko bisita eginen dute baserrietara. Larunbatean besta borobiltzeko karrozen desfilea eginen dute.