Urteko bigarren geldialdia Urrozen eginen du Malerreka Kantuz egitasmoak. Larunbat honetan, otsailak 1, 12:00etan Urrozko plazatik abituta herria kantuz alaituko dute.
Euskadiko Orkestra Sinfonikoak antolatuta, Peru eta otsoa haurrei zuzendutako obra eskainiko dute larunbat honetan Senpereko Larreko kulturgunean. Arrakasta izan duen seinale, aretora sartzeko sartze guztiak agortu direla jakinarazi dute.
Urtarrilaren 30a arte eman daiteke izena 689 03 50 78 telefonoan Baztango Udalak haur eta gurasoei zuzendutako azukreari buruzko tailerra antolatu du otsailaren 1erako. Arizkunenea kultur etxean, beheko solairuan bilduko dira, 17:00etatik 19:00etara. Izena eman nahi dutenek 689 03 50 78 telefonora deitu beharko dute urtarrilaren 30a baino lehen.
Otsailaren 1ean, larunbatean, Lesakako Otxango Bahia jatetxean kapoeira erakustaldia eta Hurih bikotea izanen dituzte. 19:00etan zehaztu dute hitzordua. Brasilgo kultur adierazpide den Capoeira ikuskizuna Marcelo Ferreirak gidatuko du eta horren ondotik Lesakako Olaia Iantzik eta Itziar Telletxeak osatutako Hurih bikoteak hartuko du lekukoa.
Larunbatean 20:30ean bilduko dira, gai berezirik gabe Otsaillaren 1ean izanen da da Biltoki Elkarteko urteko batzar nagusia. Ez da gai berezirik izanen, juntakideen erranetan, eta, ondorioz, urteko ekintzak, kontuak, bazkideen gorabeherak… izanen dira larunbatean 20:30ean hasiko den bilkuran jorratuko dituzten gaiak.
Zortzi hilabete bitarteko haurrentzat eta haien gurasoentzat edo zaintzaileentzat masaje tailerra antolatu dute Leitzan. Denera lau saio izanen dira, urtarrilaren 14an eta 21ean eta otsailaren 4an eta 18an. Tailerra dohainik izanen da, Udaletxeko lehenengo solairuan, 11:00etatik 12:00etara. Parte hartu nahi duenak urtarrilaren 13a baino lehenago deitu beharko du 948 51 08 40 telefonora.
Joan den urtean zuen arrakastaren harira, aurten ere Nafar Lansarek 30 orduko informatika ikastaroa antolatu du. Urtarrilaren 14tik martxoaren 3ra eskainiko da, astearte eta ostegunetan, 17:00etatik 19:00etara, eskolako informatika gelan.
Herritar guztiei egin diete larunbatean mozorrotu eta karroza desfilean parte hartzeko gonbidapena Urtarriletik otsailerako saltoa mozorroa soinean dutela egingo dute aresoarrek. Urtarrilaren 31n eta otsailaren 1ean ospatuko dituzte inauteriak eta urteroko moduan Lagun Artekoek herri osoa dantzan jartzeko moduko egitaraua prestatu dute.