Katea-Bike dendatik abiatuko dira astearte goizeko bederatzietan
Umore Ona elkarteak antolatuta, mus txapelketa azkarra izanen dute bihar, abenduaren 31n, 16:00etan elkartean. Bikote bakoitzak 10 euro ordaindu beharko ditu izena emateko. Irabazleek 100 euro eta oparia, biharrenek 50 euro eta oparia eta hirugarren eta laugarren postuan gelditzen direnek oparia jasoko dute saritzat.
Joan den urtean bezalaxe, San Silbestre lasterketa antolatuko du abenduaren 31n Anikote enpresa publikoak. 16:30ean hasi eta adin tarte guztietakoek izanen dute lasterka egiteko aukera. Izen-ematea abenduaren 30a baino lehenago egin beharko da kiroldegian bertan edo 948 51 07 19 telefonora deituta.
Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.
Malerrekako, Bortzirietako, Baztango, Leitzaldeko, Ultzamako eta Iruñerriko 20 taldek parte hartuko dute Doneztebe Futbol Taldeak antolatuta aurten bederatzigarren aldiz eginen den Eguberrietako Areto Futbol Txapelketan. Taldeak lau multzotan banatu dituzte eta zazpi jardunaldi jokatu ondotik, abenduaren 31n arratsaldez finala jokatuko dute.
Urtarrilaren 17ra arte aurkez daitezke lanak eta hilaren 20tik 24ra ikusgai izanen dira lanak Kultura eta Turismo Bulegoan 2020ko inauteriak iragarriko dituen kartela aukeratzeko lehiaketa deialdia egin du Lesakako Udalak. Urtarrilaren 17ko 13:00 arte aurkez daitezke lanak eta irabazleak 250 euroko saria jasoko du.