Xarea maite dutenetek Senpereko Gantxiki trinketean hitzordua dute larunbatean. Goizean, 10:00etan hasiko dira partidak eta kimuak eta gaztetxoak izanen dira finala jokatzen lehenak. Helduen txanda izanen da segidan, lehen mailako finala jokatuko dute; Lopetegi-Funosas eta Driolet-Sistiague bikoa ariko dira txapela lortzeko lehian. Finalerdietako irudiak bildu ditugu argazki-bilduman. Argazkiak: ataria.eus
Pontx pailazoaren ikusgarriaren ondotik arribatuko dira bi protagonistak plazara Urtero bezala, bertze herrietan baino fiteago hartuko dute saratarrek Olentzero eta Mari Domingiren bisita. Hiru ikastetxeek elkarlanean, Herriko Etxearen eta merkatarien laguntzarekin, abenduaren 21erako prestatu dute ongietorria. Egun horretan, larunbatean 17:00etan plazan geldituko dira eta 17:15ean Pontx pailazoarekin gozatzeko aukera izanen dute. Ondotik arribatuko dira eguneko bi protagonistak. Herriko Etxeak aperitifa ere eskainiko du eta kanta eta musikarik ere ez da falta izanen.
Larunbatean 18:00etan plazatik abiatuta Lesakako musika taldeek Eguberrietako kalejira eginen dute abenduaren 21ean, larunbatean 18:00etan Plaza Zaharretik abiatuta.
Erreka eskubaloi taldeko jokalarien aurkezpena eginen dute abenduaren 21ean, larunbatean, Doneztebeko kiroldegian. Guztira 171 haur, gazte eta ez horren gazte ari dira eskubaloi taldeetan eta horiek guztiak ezagutaraziko dituzte larunbateko 19:00etako hitzorduan. Aitzinetik Erreka eta Anaitazarraren arteko partidua izanen da, 17:30ean.
Larunbatean 19:00etan elizan hasiko da Recreo bandaren emanaldia Elizondoko Recreo musika bandak Eguberrietako kontzertua eskainiko du abenduaren 21ean, larunbatean 19:00etan Berroetako elizan.
The Soul Jazz Rebels talde frantziarrak kontzertua eskainiko du abenduaren 21ean, 23:00etatik aitzinera Berako Kataku herri ostatuan. Jazz eta soul musika lantzen duen laukotea biran dabil orain. Beran jo baino lehen, ortziralean Baionan joko du eta igandean, berriz, Mont-de-Marsanen.
Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.
Baztango Artisauak eta Baztango Zaporeak antolatuta, abenduan, lau egunez, artisau azoka izanen dute Elizondon. Lehendabiziko hitzordua asteburu honetan izanen da, abenduaren 7an eta 8an.
Ortziralean 23:00etan ZubiPunta ostatuan Kaskezur taldeak kontzertua eskainiko du abenduaren 20an, ortziralean 23:00etan Erratzuko ZubiPunta ostatuan. ‘Ihesi doaz animaliak’ (Mukuru) disko berria aurkeztuko du.
Malerrekako, Bortzirietako, Baztango, Leitzaldeko, Ultzamako eta Iruñerriko 20 taldek parte hartuko dute Doneztebe Futbol Taldeak antolatuta aurten bederatzigarren aldiz eginen den Eguberrietako Areto Futbol Txapelketan. Taldeak lau multzotan banatu dituzte eta zazpi jardunaldi jokatu ondotik, abenduaren 31n arratsaldez finala jokatuko dute.
Baztango Artisauak eta Baztango Zaporeak antolatuta, abenduan azoka egunak izaten ari dira Elizondon. Hilabete hasieran izan zituzten lehendabiziko egunak eta abenduaren 21ean eta 28an, berriz ere, postuak paratuko dituzte, larunbatetan 10:00etatik 14:00etara.
Tirry & Tery eta Azukre Beltxarana taldeak uztartuz, Kazeruerk besta eskainiko dute larunbatean, abenduaren 21ean, Baztanen. Eguberrietarako beroketa saioa Gaztetxean izanen dute.