Elkarteko mendizale kementsuek, 2019a behar bezala agurtzeko, mendi buelta eginen dute abenduan. Hilaren 17an, heldu den asteartean, dute hitzordua eta Berako mendietan barna ibiliko dira.
Orantzaroa Leitzan eta Euskal Herrian: Tradizioa eta aldaketa neguko pestetan izenburupean hitzaldia antolatu du Leitzako Altzadi Kultur Elkarteak. Abenduaren 17an, asteartean, 19:00etan egin dute hitzordua Aurrera Elkartean. Oier Araolaza antropologo eta dantzaria gonbidatu dute solasaldira eta Altzadi Kultur Taldeko kideek ere gaiari buruzko hainbat azalpen emanen dituzte.
Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.
Baztango Artisauak eta Baztango Zaporeak antolatuta, abenduan, lau egunez, artisau azoka izanen dute Elizondon. Lehendabiziko hitzordua asteburu honetan izanen da, abenduaren 7an eta 8an.
GMB Akash argazkilariaren hamabi panel ikus daitezke ortziralera bitarte Baztango Liburutegi Publikoan Larrugintzaren sektorea Bangladeshen erakusketa zabalik dago ortziralea bitarte. Arratsaldez, 15:00etatik 20:00ak arte ikus daiteke. GMB Akash argazkilariak Bangladesheko Hazaribagh barrutian egindako Setem GKEaren irudi- eta testigantza-erakusketa da, eta barruti horretako langileen lan- eta bizi-baldintzei buruzkoa da. Larrua prozesatu eta oinetakoak ekoizten dituzte bertan.
Abenduaren 16an 2 eta 6 urte arteko haurrendako eta haien gurasoendako eta abenduaren 18an, 0-3 urtekoendako Baztango Euskara zerbitzuak, Dindaia Fundazioarekin bater, familiei eskainitako bi ikastaro antolatu ditu. Euskarazko jolasak eta kantuak ezagutu, ikasi eta haurrekin erabiltzen ikasteko tailerrak dira. Bietarako izena emateko epea abenduaren 9tik 16ra zabalik dago.