Igande goizean mendi irteera Bonozorrotzera, eguerdian poteoa eta bazkaria eta arratsaldean, Patricia Viscarret mendizale nafarraren solasaldia eta proiekzioa izanen dituzte
Mendaur institutuko DBH4ko ikasleek tonbola ere eginen dute, ikasbidairako dirua lortzeko Santa Luzia Eguneko ospakizunekin segituz, abenduaren 15ean, igandean 10:00etatik 13:30era merkatua eginen dute Donezteben; eguraldi onarekin Santa Luzia plazan eta txarra bada frontoian. Aurten ez du Zilarrezko Titarerik emanen udalak.
Lurra sentituz, emakumeok elkarrekin ereiten lelopean, elikadura burujabetza, feminismoa eta lurralde defentsari buruzko foroa izanen dute asteburuan Iruñean eta Elizondon.
Igandean 12:30ean hasiko da emanaldia elizan eta Hernaniko Imanol Kamioren Akordeoi Bandak ere joko du Abenduaren 15ean, herriko haurrek eta Umore Ona abesbatzako kideek Gabonetako kontzertua eskainiko dute igandean 12:30ean elizan. Haurrak Ainara Narbartek zuzenduta ariko dira eta Umore Ona Abesbatzak eta Hernaniko Imanol Kamioren Akordeoi Bandak elkarrekin eskainiko dituzte kanta batzuk Eneko Amundarainek zuzenduta.
Igandean 13:00etan hasiko da Santiago elizan Ruandako danborren eta Ugandan Sticks dantzarien emanaldia Música para Salvar Vidas proiektuaren baitan antolatua, Afrikako dantza eta perkusio ongintza-ikuskizuna izanen dute abenduaren 15ean, igandean 13:00etan hasita Elizondoko Santiago elizan. Zehazki, Ruandako danborrak eta Ugandako Ugandan Sticks dantzariak ariko dira. Emanaldia bukatzerakoan, borondatea eskatuko dute.
Goldatzek antolatuta, Uxue Alberdi eta Onintza Enbeita izanen dira Beralandetan, igandean 17:00etan hasita Goldatz Berako Emakume Talde Feministak antolatutako udazkeneko agenda mardula borobiltzeko ‘Kontrako eztarria’ mahai-ingurua prestatu dute abenduaren 15ean, igandean 17:00etan Beralandetan. Uxue Alberdi eta Onintza Enbeita izanen dira hizlari.
Elhande Abeberryk sortutako Arkaitzak antzezlana emanen dute Izarrak Haizean elkartekoek abenduaren 15ean, igandean, arratsaldeko bortz orenetan Larreko gelan. Sarrera 12 euro ordaindu beharko dute helduek eta bortz haurrek. Erreserbatzeko 06 49 88 60 91 telefonora deitu behar da.
Ballerina filma eskainiko dute abenduaren 15ean, 17:00etatik aurrera Leitzako Erleta Eskolako jangelan. Sartzea euro bat ordaindu beharko da. Ordu eta erdi irauten duen filma, euskaraz eskainiko dute.
Keinu-Leihoak Antzerki Zikloaren hamabosgarren edizioa antolatu du Mairu Antzerki Tailerrak, Arrano elkartearen eta Lesakako Udalaren laguntzaz. Joan den asteburuko bi emanaldien ondotik, azkena, 4-9 urteko umeei zuzendua, abenduaren 15ean izanen dute Arranon. Igandean, 17:30ean, Arranon Uretako ipuinak antzezlana eskainiko du Eneritz Artetxek, 4 eta 9 urteko arteko neska-mutikoei zuzendua.
Igandean, 20:00etan Etxalarko elizan izanen da emanaldia Aurten, hirugarren urtez, Carlos Nuñez eta taldekideen kontzertuaz gozatzeko aukera izanen da Etxalarren. Taldeko kidea den Itsaso Elizagoien etxalartarrarekin batera, herriko bertze musikariek ere parte hartuko dute eta eurekin batera hainbat gonbidatuk.
Argentina eta Txileko kontzertuetatik Etxalarko oholtza goxora dator abenduaren 15ean
Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.
Baztango Artisauak eta Baztango Zaporeak antolatuta, abenduan, lau egunez, artisau azoka izanen dute Elizondon. Lehendabiziko hitzordua asteburu honetan izanen da, abenduaren 7an eta 8an.
Larunbatean 23:00etan Kataku herri ostatuan Alacanteko Ugatz musika taldeak kontzertua eskainiko du abenduaren 14an, larunbatean 23:00etan Berako Kataku herri ostatuan. Hiru musikarik osatzen dute taldea, Hector Bardisak, David Estevek eta Rodrigo Katafú Rozasek eta post hardcore-punk-rock musika lantzen dute.