Larunbata, abenduak 14

10:00

Urtebetetze tartak egiteko ikastaroa Goizuetan

Ostegun arte eman daiteke izena Amaia kafetegian Cebank-eko goi mailako titulua duen sukaldari baten eskutik, urtebetetze tartak egiten ikasteko aukera izanen dute abenduaren 14an Goizuetan. Eskolako jangelan dute hitzordua. Bertaratzen direnek, bizkotxoen oreak prestatzen eta betegarriak egiten ez ezik, tartak dekoratzen ikasiko dute. Gehienez 12 lagunek eman dezakete izena eta osteguna izanen da azken eguna.

10:30

Baztan-Bidasoko ekoizleen merkatua

Azken bi urteotan Ricardo Baroja eskolako arkupeetan egin izan dute Baztan-Bidasoko ekoizleen azoka, baina orain, lekuz aldatzea erabaki dute. Beralandeta izanen da ekoizleen bilgune. Eguraldi ona eginez gero, kanpoko aldean eta txarra baldin bada, areto barrenean elkartuko dira.

16:00

Denboraldi bukaera Ariztigain kanpinean

Afariaren ondotik, Tierra de oro mariatxiek joko dute Sunbillako Ariztigain kanpinean denboraldi bukaerako besta eginen dute abenduaren 14an. Larunbat arratsaldean hainbat ekitaldi izanen dituzte eta eguna borobiltzeko, afaria eta Tierra de oro mariatxiak.    

17:00

Ipuin-kontaketa eta eskulan tailerra

Cosimoren katiuskak bere albuma irakurriko du legasarrak, eta ondotik, biltzen diren haurrek eskulan tailerra eginen dute. Sorpresak izanen direla ere iragarri dute. Hitzordua larunbat honetan, abenduak 14, Doneztebeko Herriko Ostatuan izanen da, 17:00etan. Ondotik berendua eskainiko dute.

17:00

Baztango Udal Musika Eskolaren Eguberrietako kontzertua

Larunbat honetan Azpilkuetako elizan ikasleek orain arte ikasitakoa plazaratzeko eta entzuleek gozatzeko aukera izanen dute. Emanaldia 17:00etan hasiko da. Eguberrietako bigarren kontzertua abenduaren 17an, asteartean, Elizondoko zahar etxean eginen dute, 17:30ean.

17:00

ZaKill taldearen kontzertua Lekarozen

Lekarozko ZaKill taldeak kontzertua eskainiko du abenduaren 14an, 18:00etan, herriko Apezenea etxean. Azaroan kaleratutako Itzala diskoa aurkeztuko dute. Aurten eskualdean eskainiko duten azken emanaldia izanen da. Abenduaren 20an Lartzabalen izanen dira. 

19:00

Kukai dantza taldearen 'Oskara' ikuskizuna

Kukai dantza taldearen ikus-entzunekoa ortziralean eta dantza-emanaldia larunbatean izanen dira Harriondoan 2017an hiru Max sari irabazi zituen Kukai dantza taldearen ‘Oskara’ izanen da protagonista abenduaren 13an eta 14an Lesakako Harriondoa Kultur Etxean. Ortziralean 19:30ean dokumentala ikusgai izanen da 19:30ean (sarrera 3 euro ordaindu beharko da) eta larunbatean 19:00etan dantza-ikuskizuna eskainiko dute (sarrera: 12 euro). Ttipi Txarteldunen artean bi sarrera zozketatu ditu Ttipi-Ttapak.

19:00

Lan Gaua mendi ibilaldia Beartzun, Balaun eta Berderizen barna

Baztan-Bidasoa Turismoak, Baztango Udalaren laguntzaz, Lan Gaua mendi ibilaldia antolatu du larunbaterako. Zazpigarren edizioa izanen da aurtengoa eta hamar kilometroko pasatxoko ibilbidea osatu eta Joxepi Miuraren eskutik, kontrabandoaren garaiak ezagutzeko aukera izanen dute bisitariek. Argazkia: Ondikol

20:30

Giltzarri abesbatzaren Eguberrietako kontzertua

Larunbatean 20:30ean elizan hasiko da emanaldia Giltzarri Abesbatzak abenduaren 14an, larunbatean 20:30ean, eskainiko du Igantziko elizan Eguberrietako kontzertua, bigarren urtez segidan. Iaz bezalaxe, dozena bat kanta izanen du egitarauan Isabel Lacar lesakarrak zuzendutako taldeak, bi zatitan banatuak: kanta polifonikoak abestuko dituzte lehenbiziko eta herrikoiak kontzertuaren bigarren zatian.

17:00

07:00

Zaindu zure dirua

Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.

10:00

14:00

Artisau azoka Elizondon abenduaren 7an, 8an, 21ean eta 28an

Baztango Artisauak eta Baztango Zaporeak antolatuta, abenduan, lau egunez, artisau azoka izanen dute Elizondon. Lehendabiziko hitzordua asteburu honetan izanen da, abenduaren 7an eta 8an.

23:00

01:00

Ugatz taldea Katakun

Larunbatean 23:00etan Kataku herri ostatuan Alacanteko Ugatz musika taldeak kontzertua eskainiko du abenduaren 14an, larunbatean 23:00etan Berako Kataku herri ostatuan. Hiru musikarik osatzen dute taldea, Hector Bardisak, David Estevek eta Rodrigo Katafú Rozasek eta post hardcore-punk-rock musika lantzen dute.