Hendaiako musika elkartean ari diren Sarako ikasleak Lur Berri gelan ariko dira ortzirale honetan, abenduak 13. 18:00etan hasiko da emanaldia eta herriko kantari eta musikariekin batera, Garazi-Baigorri aldeko Iparralai eskolakoek ere parte hartuko dute. Sorpresak izanen direla ere iragarri dute eta jatekoa eta edatekoa ere eskainiko dituzte.
'Euskara noiztik? Euskara mendez mende' aurkeztuko du Cèline Mounole ikerlariak, ortziralean 19:00etan Larraldean «Mila aurpegi ditu euskarak lurralde honetan». Hala zioten euskararen urtaroak ekitaldia antolatu zutenek. Euskara noiztik erabilia den jakin nahian, Cèline Mounole (euskaltzain urgazle, Paueko eta Aturrialdeko herrialdeetako unibertsitatean irakasle eta ikerlaria) gai horren sakontzera gomitatu du Lapurdi 1609 elkarteak, Larralderat abenduaren 13an, ortziralean, gaueko zazpi orenetan.
Santa Luzia Egunarekin bat eginez, ortziralean, abenduak 13, Eguberrietako kontzertua eskainiko dute Mendi eta Mendi Ttiki abesbatzek, Donostiako Udaleko Txistulari Taldeak eta Agorreta Musika Eskolako ikasleek. Elizan izanen da emanaldia 20:00etan.
Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.
Baztango Artisauak eta Baztango Zaporeak antolatuta, abenduan, lau egunez, artisau azoka izanen dute Elizondon. Lehendabiziko hitzordua asteburu honetan izanen da, abenduaren 7an eta 8an.
Ortzegunean 18:30ean Arizkunenean eta ortziralean ordu berean Beralandetan