Solaslaguna egitasmoak antolatuta, Durangoko Azokara irteera izanen dute abenduaren 7an, larunbatean. Elizondotik, Doneztebetik eta Beratik, joan-etorria lasai egiteko, autobusa izanen dute. Izen-ematea abenduaren 2ra arte dago zabalik eta lotura honen bidez apuntatu behar da. Bazkariaren eta autobusaren truk 22 euro ordaindu beharko dituzte.
Goizean pastizak salduko dituzte, bazkalondoan Larunera trenez goititzeko aukera izanen da eta ondotik krakada Urteroko elkartasun hitzorduari hutsik egin gabe, abenduaren 7an distrofia muskularra dutenak eta haien senideak biltzen dituen AFM Telethon elkartearen aldeko eguna eginen dute Saran.
Abenduaren 7an, heldu den larunbatean, Malerreka Kantuz ekimenak urteko azken geldialdia eginen du Donezteben. 12:00etan dute hitzordua. Plazatik abiatuko dira eta karrikaz karrika herria girotuko dute.
Larunbat honetan, abenduak 7, Larungo kaskoan egin dute hitzordua, 15:30ean. Kopeta-argi edo esku-argi indartsuekin joateko deia egin dute, eta ilunabarrean argiak piztuta argazkia aterako dute. Hegoaldetik oinez joan nahi dutenek 13:30ean Berako Altzateko Plazatik taldean oinez joateko aukera izanen dute.
Abenduaren 3ko ospakizunak larunbatera, hilaren 7ra, gibeleratu dituzte Legasan. Eguraldiaren arabera egitarau bat edo bertze izanen dute. Lagun badute, frontoitik 16:00etan euskal kantak eta dantzak kantatuz herrian barna ibiliko dira eta ondotik, kontu kontari aritu eta txokolate beroa dastatuko dute.
Tantirumairu ikastolak eta Irain eskolako Guraso Elkarteak antolatuta, abenduan, bi egunetan filmak eskainiko dituzte. Heldu den larunbatean, abenduaren 7an, dute lehenbiziko hitzordua eta hilaren 29an hurrengoa. Batean zein bertzean Harriondoa kultur etxea izanen dute bilgune. Larunbat honetan 16:30ean haurrentzako Lego Film pelikula eskainiko dute; 18:00etan, berriz, 16 urtetik goitikoentzako Loreak.
Euskararen Nazioarteko Egunaren harira antolaturiko ekitaldiek heldu den larunbatean, abenduaren 7an, izanen dute segida. Izan ere, Iruritako Damaso Zabalza Gizarte Bilgunean, Yarleku antzerki taldearen eskutik, Numenak antzezlana ikusteko aukera izanen da. 19:00etan hasiko da eta adin guztietako publikoarentzat izanen da (doan).
Izen-ematea dagoeneko zabalik da, Doneztebeko osasun etxean bertan jakinaraziz edo erizainarekin harremanetan jarriz.
Izena emateko epea azaroaren 22ra arte Zaindu zure dirua izenburupean, tailerrak eskainiko ditu Carlos Faro Carballa familia-ekonomia aholkulariak. Azaroaren 25ean, abenduaren 9an, urtarrilaren 3an eta 20an izanen dira saioak, Leitzako Udaletxeko Batzar Aretoan 17:00etatik 19:00etara. Dohainik izanen dira, baina joan nahi duenak azaroaren 22a baino lehenago Gizarte Zerbitzuetara deituta izena eman beharko du.
Estatu Batuetan ibilitako euskaldunen erretratuak margotu ditu eta ikusgai izanen dira Arizkunenean Zoe Bray margolariaren pintura erakusketa ikusteko aukera izanen da azaroaren 29tik abenduaren 9ra Elizondoko Arizkunenea Kultur Etxean.. Ameriketan bizi diren euskaldunak margotu ditu.
Euskara Batzordeak kultur egitarau zabala antolatu du abendu hasierarako Igantziko Euskara Batzordeak egitarau zabala antolatu du abendu hasieran eginen diren udazkeneko Kultur Egunetarako. Lehen ekitaldia abenduaren 5ean, ortzegunarekin, izanen da. Aralar, mundua leku den lurra dokumentala eskainiko dute, Bidaziren eskutik, Eskolzarren. Ondotik solasaldia izanen da dokumentalaren egileekin.
Abenduaren 6an eta 8an izanen dira lehenbizikoak Harriondoan, Xanti Agirrezabalaren ‘Sátiro’ eta Kamikaz Kolektiboaren ‘Panpina’ Keinu-Leihoak Antzerki Zikloaren hamabosgarren edizioa antolatu du Mairu Antzerki Tailerrak, Arrano elkartearen eta Lesakako Udalaren laguntzaz. Hiru emanaldi izanen dira, bi lehenbizikoak asteburu honetan Harriondoa Kultur Etxean eta azkena, 4-9 urteko umeei zuzendua, abenduaren 15ean Arranon.
Ortziralean pizza tailerra izanen dute. Ondotik, tailerrean egindako pizzak janen dituzte Ekitaldiz jositako asteburua izanen dute abendu hasieran Anizen. Hilaren 6an, pizza tailerra eginen dute. Aitorrek eta Maiderrek haur, gazte eta helduei pizza nola egiten den erakutsiko diete. Ondotik, ikasi dutenen artean egindako pizzak janen dituzte.
Baztango Artisauak eta Baztango Zaporeak antolatuta, abenduan, lau egunez, artisau azoka izanen dute Elizondon. Lehendabiziko hitzordua asteburu honetan izanen da, abenduaren 7an eta 8an.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |