Baratxarte auzoko kaperan meza izanen dute eta ondotik aperitifa Igande honetan, azaroaren 24an, Santa Katarina bestak ospatuko dituzte Sarako Baratxarte auzoan. Igandean 10:30ean egin dute hitzordua; ordu horretan meza izanen dute kaperan eta ondotik, 11:30ean, aperitifa eskainiko dute hurbiltzen diren guztientzako.
Pilotarien hitzordua izanen dute igandean, azaroaren 24an, Aranon. Izan ere, IV. Umore Ona Pilota Txapelketako jardunaldiak jokatuko dituzte herrian. Bost partida izanen dira guztira, 11:00etan hasita.
Igandean 13:00etan hasiko dute emanaldia Elizondoko abesbatzak antolatuta, kontzertua izanen dute azaroaren 24an, hondarreko igandean. Elizondoko Santiago elizan zehaztu dute hitzordua eta aditu nahi dutenek 13:00etan bertaratu beharko dute. Ahotsa landuz, kanta gustagarriak prestatu dituzte.
Tantirumairu ikastolako eta Irain eskolako Guraso Elkarteek antolatuta, bi filma eskainiko dituzte Tantirumairu ikastolako eta Irain eskola publikoko Guraso Elkarteek, Lesakako Udalarem laguntzarekin antolatuta, ikasturte honetan ere Zinema euskaraz eskainiko dute igande arratsaldetan Harriondoa Kultur Etxean. Igande honetan, azaroak 24, eginen dute ikasturte honetako lehen emanaldia. 16:30ean Pikatxu detektibea eskainiko dute eta 18:00etan Enperadorea, 16 urtetik goitikoentzat. Sarrera 2 euro gostako da eta merienda ere eskainiko dute bertan.
‘Bakean dagoenari bakean utzi!’ taularatuko dute Idoia Torregarai eta Mirari Martiarenak Berako Euskara Batzordeak, Kultur Batzordearen eta Bortzirietako Euskara Mankomunitatearen eta Berako Kultur Batzordearen laguntzaz antolatutako XXI. Kafe-Antzerki Zikloko azken emanaldia azaroaren 24an eskainiko dute. Igandean 18:00etan Goxune kafetegian, Lankuren eskutik, Bakean dagoenari bakean utzi! tauleratuko dute Idoia Torregarai eta Mirari Martiarenak.
Baztango Udaleko Berdintasun eta Kultura Batzordeak antolatuta, helduendako Tomiris antzezlana izanen dute Iruritan igandean. 19:00etan dute hitzordua, Damaso Zabalza Gizarte Bilgunean.
Haizea Loirak gidatuko du urriaren 8tik abenduaren 17ra Baztango Udaleko Kultura Batzordearen eskutik, urriaren 8tik abenduaren 17ra, asteartetan, 20:00etatik 21:40ra, musikoterapia tailerra eskainiko dute Elizondoko Arizkunenea kultur etxean. Haizea Loirak gidatuko ditu klaseak eta 16 urtetik goitiko emakumeei bideratutako ikastaroa izanen da. Gutienez sei parte-hartzaile beharko dira eta gehienez hamar. Arizkunenean bertan eman beharko da izena eta erroldatuek 48 euro eta erroldatu gabeek 64 ordaindu beharko dituzte.
Zortzi jatetxek eta ostatu batek parte hartuko dute urriaren 11tik abenduaren 1a arte eta argazki lehiaketa ere eginen dute
Izen-ematea dagoeneko zabalik da, Doneztebeko osasun etxean bertan jakinaraziz edo erizainarekin harremanetan jarriz.
Tailerra aitzinera ateratzeko eskainiak zituzten plaza guztiak agortu dira eta larunbat honetan zortzi hasiko dira ikastaroak. Azaroko bortz larunbatetan ordu eta erdiko saioak eginen dituzte.
Margolanak ikustea maite dutenek azaroan eta abenduan Elizondoko Arizkunenea kultur etxean aukera bikoitza izanen dute. Izan ere, J.L. Torralba eta Zoe Bray artisten pintura-erakusketak antolatu dituzte. Lehendabiziko erakusketa azaroaren 11n irekiko dute eta 24ra arte egonen da ikusgai; bigarrena, berriz, azaroaren 29tik, hondarreko ortziraletik, abenduaren 9ra arte bisitatu ahal izanen da. Batean zein bertzean artistek egindako margolan ederrez gozatu ahal izanen da.
Bi orduko hiru saio izanen dira eta Elbeteko posadako Belen Urrutia sukaldaria izanen da gidari Baztango Udaleko Kultura Batzordeak antolatuta, sukaldean aritzea maite dutenendako hiru saio izanen dituzte azaroan Lekarozen. Elbeteko posadako Belen Urrutia irakasle dutela, hilaren 12an, 19an eta 26an bilduko dira, 18:00etatik 20:00etara. 16 urtetik goitikoei bideratutako tailerra izanen da eta handia izan da sortu duen interesa. Horren erakusle da, eskaintzen ziren plaza guztiak bete izana. Horrenbertzez, hamabi pertsona izanen dira zartaginak eta kazolak sutan jarri eta gutiziak prestatzen ikasiko dutenak.
88 lan aurkeztu dituzte Beti Gaztek antolatutako lehiaketara eta lanak ikusgai paratuko dituzte azaroaren 14tik abenduaren 2ra bitarte Harriondoako konbentuan Urtero bezala, Lesakako Beti-Gazte elkarteak Argazki lehiaketa antolatu du. Urrian argazkizale aunitzek beraien lanak aurkeztu zituzten. Denera 88 argazki aurkeztu dituzte lehiaketara, iaz baino bat guttiago eta bi sari nagusiak Kataluniara joan dira.
Saioak azaroaren 20an eta 27an izanen dira, 10:00etatik 13:00etara Estresari eta antsietateari aurre egiteko sei orduko tailerra eskainiko dute azaroaren 20an eta 27an, hurrengo bi asteazkenetan, Elizondoko osasun etxeko Erabilera Anitzeko Aretoan. Saioak 10:00etan hasiko dira eta 13:00 arte izanen dira.
Emakumeenganako Indarkeriaren Aurkako Nazioarteko Eguna izanen da heldu den astelehena, azaroak 25, eta eskualdeko bertze hainbat herritan bezala, ortziraletik hasita, Bortzirietan ere hainbat hitzordu antolatu dituzte: dokumentalak, elkarretaratzeak, filmak, tailerrak... izanen dira. Igande eguerdian manifestazioa ere eginen dute Beran.
Larunbatean eta igandean, goizez eta arratsaldez, emakumezkoen hamaika final jokatuko dituzte. Umetxoen, kimuen, gaztetxoen, gazteen, juniorren eta seniorren bigarren eta hirugarren mailetako partidak izanen dira. Goizeko finalak ikusteko ez da fitsik ordaindu beharko baina arratsaldeetako partidak ikusteko bai.
Malerrekako Mankomunitateak antolatuta, inauteriei buruzko hitzaldia izanen dute bezperan