Asteazkena, azaroak 20

18:00

Santa Zeziliako kontzertua Lesakan

Asteazkenean 18:00etan Harriondoa Kultur Etxean Lesakako Musika Eskolak kontzertua eskainiko du azaroaren 20an, asteazkenean 18:00etan Harriondoa Kultur Etxean. Joan den ikasturtean Musika Eskolako oinarrizko ikasketak burutu zituzten ikasleei diplomak ere emanen dizkiete. Feria bezperako Merkatu Eguna musikaz ongi hornitua egonen da, ordu berean hasita trikitixa taldea ibiliko baita karrikaz karrika.

20:00

21:40

Emakumeendako musikoterapia tailerra

Haizea Loirak gidatuko du urriaren 8tik abenduaren 17ra Baztango Udaleko Kultura Batzordearen eskutik, urriaren 8tik abenduaren 17ra, asteartetan, 20:00etatik 21:40ra, musikoterapia tailerra eskainiko dute Elizondoko Arizkunenea kultur etxean. Haizea Loirak gidatuko ditu klaseak eta 16 urtetik goitiko emakumeei bideratutako ikastaroa izanen da. Gutienez sei parte-hartzaile beharko dira eta gehienez hamar.  Arizkunenean bertan eman beharko da izena eta erroldatuek 48 euro eta erroldatu gabeek 64 ordaindu beharko dituzte.

13:00

22:00

Baztan-Bidasoko XXVII. Ehiza Jardunaldi Gastronomikoak

Zortzi jatetxek eta ostatu batek parte hartuko dute urriaren 11tik abenduaren 1a arte eta argazki lehiaketa ere eginen dute  

17:30

19:00

Erretzeari uzteko tailerra urriaren 28tik abendura

Izen-ematea dagoeneko zabalik da, Doneztebeko osasun etxean bertan jakinaraziz edo erizainarekin harremanetan jarriz.

17:30

19:00

Plastika lantegia azaroko larunbatetan Elizondon

Tailerra aitzinera ateratzeko eskainiak zituzten plaza guztiak agortu dira eta larunbat honetan zortzi hasiko dira ikastaroak. Azaroko bortz larunbatetan ordu eta erdiko saioak eginen dituzte.

10:00

20:00

JL Torralba artistaren pintura-erakusketa ikusgai izanen da azaroaren 11tik 24ra Arizkunenean

Margolanak ikustea maite dutenek azaroan eta abenduan Elizondoko Arizkunenea kultur etxean aukera bikoitza izanen dute. Izan ere, J.L. Torralba eta Zoe Bray artisten pintura-erakusketak antolatu dituzte. Lehendabiziko erakusketa azaroaren 11n irekiko dute eta 24ra arte egonen da ikusgai; bigarrena, berriz, azaroaren 29tik, hondarreko ortziraletik, abenduaren 9ra arte bisitatu ahal izanen da. Batean zein bertzean artistek egindako margolan ederrez gozatu ahal izanen da.

18:00

20:00

Sukaldaritza ikastaroa Lekarozen

Bi orduko hiru saio izanen dira eta Elbeteko posadako Belen Urrutia sukaldaria izanen da gidari Baztango Udaleko Kultura Batzordeak antolatuta, sukaldean aritzea maite dutenendako hiru saio izanen dituzte azaroan Lekarozen. Elbeteko posadako Belen Urrutia irakasle dutela, hilaren 12an, 19an eta 26an bilduko dira, 18:00etatik 20:00etara. 16 urtetik goitikoei bideratutako tailerra izanen da eta handia izan da sortu duen interesa. Horren erakusle da, eskaintzen ziren plaza guztiak bete izana.  Horrenbertzez, hamabi pertsona izanen dira zartaginak eta kazolak sutan jarri eta gutiziak prestatzen ikasiko dutenak.

19:00

20:30

'Hokoke' dokumentala Beran eta Elizondon

Unai Redinek zuzendu eta LAB sindikatuak ekoitzitako Hokoke dokumentala Huerta de Peraltako lan gatazkan oinarritutakoa da eta azaroaren 13an Berako Espidobaita Kultur Elkartean eta hilaren 20an Elizondoko Arizkunenea Kultur Etxean aurkeztuko dute. Ondotik solasaldia eginen dute.

17:30

19:30

Beti Gazteko argazki lehiaketara aurkeztutako lanen erakusketa

88 lan aurkeztu dituzte Beti Gaztek antolatutako lehiaketara eta lanak ikusgai paratuko dituzte azaroaren 14tik abenduaren 2ra bitarte Harriondoako konbentuan Urtero bezala, Lesakako Beti-Gazte elkarteak Argazki lehiaketa antolatu du. Urrian argazkizale aunitzek beraien lanak aurkeztu zituzten. Denera 88 argazki aurkeztu dituzte lehiaketara, iaz baino bat guttiago eta bi sari nagusiak Kataluniara joan dira.

10:00

13:00

Estresari eta antsietateari aurre egiteko tailerrak

Saioak azaroaren 20an eta 27an izanen dira, 10:00etatik 13:00etara Estresari eta antsietateari aurre egiteko sei orduko tailerra eskainiko dute azaroaren 20an eta 27an, hurrengo bi asteazkenetan, Elizondoko osasun etxeko Erabilera Anitzeko Aretoan. Saioak 10:00etan hasiko dira eta 13:00 arte izanen dira.

18:00

23:00

Lesakako ferien 520. urteurrena

Feriak maite dituenak izanen du asetzeko aukera azaroan; astero azokaren bat izanen baita eskualdean. Gaur, azaroak 21, Lesakan izanen dute hitzordua. Goizean artisau eta azienda azokak hartuko ditu plaza bazterrak. Eguerdira arte, Baztango Gaiteroak karrikaz karrika ibiliko dira. 11:00etan herri-kirol erakustaldia izanen dute, plazan. Ondotik, Sebastian Lizaso eta Julio Soto bertsolariak igoko dira oholtzara.