Ostirala, azaroak 15

09:00

Doneztebeko feriak

Baztanen aurrena, Malerrekan hurrena; azaroaren 15ean ailegatuko da feria giroa Doneztebera. Bertze behin ere, begi bat aski izanen du saltzaileak eta ehun ez ditu sobera izanen erosleak. Menditik karrikarako bidea hartuko dute aziendek eta saltzaileen ehunka postu izanen dituzte bisitariek esperoan. Sakelak eta mingainak astindu ondotik,  mokadutxoa egin edo zerbait jateko aukera ere ez da faltako. Arratsaldean, herri-kirolak tartea izanen du Ezkurra pilotalekuan eta bestazaleek egunari bukaera borobila emateko aukera izanen dute ostatuetan. Osagai horiek guztiak nahasten dituenak feria egun borobilaz gozatuko du!

19:00

'Euskara eta feminismoa: genealogiatik egungo erronketara' solasaldia

Saioa Iraola izanen da hizlari ortziralean 19:00etan  

20:00

21:40

Emakumeendako musikoterapia tailerra

Haizea Loirak gidatuko du urriaren 8tik abenduaren 17ra Baztango Udaleko Kultura Batzordearen eskutik, urriaren 8tik abenduaren 17ra, asteartetan, 20:00etatik 21:40ra, musikoterapia tailerra eskainiko dute Elizondoko Arizkunenea kultur etxean. Haizea Loirak gidatuko ditu klaseak eta 16 urtetik goitiko emakumeei bideratutako ikastaroa izanen da. Gutienez sei parte-hartzaile beharko dira eta gehienez hamar.  Arizkunenean bertan eman beharko da izena eta erroldatuek 48 euro eta erroldatu gabeek 64 ordaindu beharko dituzte.

13:00

22:00

Baztan-Bidasoko XXVII. Ehiza Jardunaldi Gastronomikoak

Zortzi jatetxek eta ostatu batek parte hartuko dute urriaren 11tik abenduaren 1a arte eta argazki lehiaketa ere eginen dute  

17:30

19:00

Erretzeari uzteko tailerra urriaren 28tik abendura

Izen-ematea dagoeneko zabalik da, Doneztebeko osasun etxean bertan jakinaraziz edo erizainarekin harremanetan jarriz.

17:30

19:00

Plastika lantegia azaroko larunbatetan Elizondon

Tailerra aitzinera ateratzeko eskainiak zituzten plaza guztiak agortu dira eta larunbat honetan zortzi hasiko dira ikastaroak. Azaroko bortz larunbatetan ordu eta erdiko saioak eginen dituzte.

19:30

11:00

II. Landa Begiradak jardunaldiak Baztanen

Ortziralean ‘Jeune Bergère’ filma eskainiko dute Arizkunenean eta Luis Gonzalezek solasalda eskainiko du larunbat goizean  

10:00

20:00

JL Torralba artistaren pintura-erakusketa ikusgai izanen da azaroaren 11tik 24ra Arizkunenean

Margolanak ikustea maite dutenek azaroan eta abenduan Elizondoko Arizkunenea kultur etxean aukera bikoitza izanen dute. Izan ere, J.L. Torralba eta Zoe Bray artisten pintura-erakusketak antolatu dituzte. Lehendabiziko erakusketa azaroaren 11n irekiko dute eta 24ra arte egonen da ikusgai; bigarrena, berriz, azaroaren 29tik, hondarreko ortziraletik, abenduaren 9ra arte bisitatu ahal izanen da. Batean zein bertzean artistek egindako margolan ederrez gozatu ahal izanen da.

15:00

20:30

Azukrearen gazi-gozoak

Izena-emateko epea gaur, hilak 11, bukatuko da 13:00etan Azukrerik gabeko astea izendatu dute azaroaren 11tik 17ra artekoa eta horrekin lotuta, hitzaldia antolatu du adin txikikoen obesitateari irtenbidea emateko sortu berria den Kikili Salda lantaldeak. Azukrearen gazi-gozoak azalduko ditu Libe Garmendia dietista-nutrizionistak azaroaren 12an Areson  eta Leitzan eta azaroaren 15ean Goizuetan.

18:00

20:00

Sukaldaritza ikastaroa Lekarozen

Bi orduko hiru saio izanen dira eta Elbeteko posadako Belen Urrutia sukaldaria izanen da gidari Baztango Udaleko Kultura Batzordeak antolatuta, sukaldean aritzea maite dutenendako hiru saio izanen dituzte azaroan Lekarozen. Elbeteko posadako Belen Urrutia irakasle dutela, hilaren 12an, 19an eta 26an bilduko dira, 18:00etatik 20:00etara. 16 urtetik goitikoei bideratutako tailerra izanen da eta handia izan da sortu duen interesa. Horren erakusle da, eskaintzen ziren plaza guztiak bete izana.  Horrenbertzez, hamabi pertsona izanen dira zartaginak eta kazolak sutan jarri eta gutiziak prestatzen ikasiko dutenak.

19:00

20:30

'Hokoke' dokumentala Beran eta Elizondon

Unai Redinek zuzendu eta LAB sindikatuak ekoitzitako Hokoke dokumentala Huerta de Peraltako lan gatazkan oinarritutakoa da eta azaroaren 13an Berako Espidobaita Kultur Elkartean eta hilaren 20an Elizondoko Arizkunenea Kultur Etxean aurkeztuko dute. Ondotik solasaldia eginen dute.

17:30

19:30

Beti Gazteko argazki lehiaketara aurkeztutako lanen erakusketa

88 lan aurkeztu dituzte Beti Gaztek antolatutako lehiaketara eta lanak ikusgai paratuko dituzte azaroaren 14tik abenduaren 2ra bitarte Harriondoako konbentuan Urtero bezala, Lesakako Beti-Gazte elkarteak Argazki lehiaketa antolatu du. Urrian argazkizale aunitzek beraien lanak aurkeztu zituzten. Denera 88 argazki aurkeztu dituzte lehiaketara, iaz baino bat guttiago eta bi sari nagusiak Kataluniara joan dira.