Larunbatean Lizuniagako Igoera, Aitziber Orkolagaren argazki erakusketa eta barazki-opil lehiaketa antolatu dituzte eta igandean 10:00etan hasiko dira aurten XXXIII. aldiz eginen den Lurraren Eguneko ekitaldiak. Goizean azoka, erakusketak eta tailerrak eginen dituzte eta horrez gain, Bortzirietako ekoizleekin gasna eta sagardo lehiaketak.
Nafarroako iparraldea eta hegoaldea kantuz lotuz, igande eguerdian Tutera Kantuz abesbatzarekin elkartuko da Goizuetako abesbatza. 12:30ean hasiko da emanaldia elizan.
Erreka guraso-elkarteak eta Gazte Burrunbak, Doneztebeko Udalaren laguntzaz, zinema emanaldiak antolatu dituzte urriaren 27rako, iganderako. 16:30ean haurrendako Printze txikia filma pantailaratuko dute; 18:30ean, berriz, helduendako El cuaderno de Sara.
Baztango Udaleko Kultura Batzordeak antolatu duen Folk Ametsetan zikloaren barne, Galiziako Xose Liz folk-taldearen doinuez gozatzeko aukera izanen da igande ilunabarrean Arizkunenea kultur etxean.
Tartean Teatroaren eskutik, Patxo Telleriaren zuzendaritzapean eta Mikel Martinez aktorearekin, Tabernaria, instrukzioak botatzeko ondo bat kaña helduentzako antzerkia ikusgai.
Lanak urriaren 29a baino lehen aurkeztu behar dira Lesakako Beti Gazte elkarteak argazki lehiaketa antolatu du aurtengoan ere, Lesakako udalaren laguntzarekin. Honela, nahi duten afizionatu guztiek har dezakete parte eta lanak urriaren 29a baino lehen aurkeztu beharko dira Beti Gazte elkartean (Beheko Plaza 9, 31770 Lesaka), gisa honetako lehiaketetan ohikoa den sistema erabiliz.
Urriaren 1etik 31ra ikusgai izanen da parkea zabalik dagoen ordutegian eta Erratzun eskaintzen dituen bere ikastaroekin ere segituko du Erratzun bizi den Diana Iniesta margolari kataluniarraren ‘Loreak, sagarrak eta besarkadak’ margo-erakusketa ikusgai izanen da urriaren 1etik 31ra Bertizko Natur Parkean. 2018ko irailetik aurtengo ekainera margotutako 30 lan paratuko ditu erakusketan.
Haizea Loirak gidatuko du urriaren 8tik abenduaren 17ra Baztango Udaleko Kultura Batzordearen eskutik, urriaren 8tik abenduaren 17ra, asteartetan, 20:00etatik 21:40ra, musikoterapia tailerra eskainiko dute Elizondoko Arizkunenea kultur etxean. Haizea Loirak gidatuko ditu klaseak eta 16 urtetik goitiko emakumeei bideratutako ikastaroa izanen da. Gutienez sei parte-hartzaile beharko dira eta gehienez hamar. Arizkunenean bertan eman beharko da izena eta erroldatuek 48 euro eta erroldatu gabeek 64 ordaindu beharko dituzte.
Zortzi jatetxek eta ostatu batek parte hartuko dute urriaren 11tik abenduaren 1a arte eta argazki lehiaketa ere eginen dute
Emakume Baserritarren Egunaren harira, Baratze Kritikoa erakusketa antolatu dute Areson. Urriaren 18tik 31ra elikadura burujabetzaren gaiari genero ikuspegitik heltzen dion erakusketa egonen da ikusgai Udaletxean: astelehenetik ostiralera 17:00etatik 20:00etara eta larunbatetan 11:00etatik 13:30era.
Gazteleraz izanen dira lantegiak jubilatuen egoitzan, dohainik, baina, aurrez izena ematea beharrezkoa da 60 urtetik gorako pertsonei zuzendutako lantegiak antolatu dituzte Leitzan urri bukaerarako. Zehazki, urriaren 22an, 24an, 29an eta 31n izanen dira lantegiak. Jubilatuen egoitzan bilduko dira 16:30etik 18:30era.
Liburu eta DVDaren aurkezpena, dokumental emanaldia, ipuin-kontalaria, kantaldia, antzerkia, magia ikuskizuna, mus eta partxis txapelketak, Baserritarren Eguna... Inoiz baino ekitaldi gehiago izanen dira ortzegunean hasi eta heldu den astean segida izanen duten Arantzako Kultur Egunetan.
2013an antolatuko zuten aurrenekoz Orreagako Elkarteen eguna, Orreaga Fundazioan bilduta dauden Nafarroa osoko hogeita hamar bat elkarte omendu eta festa giroan elkartzeko asmoz. Urtero Nafarroako herri, eskualde edo auzoren batek hartzen du eguna antolatzeko ardura eta aurten Leitzari egokitu zaio. Egitarau potoloa dute prest, goizeko 11etan hasi eta nahi duenak goizaldeko ordu txikiak arte izanen du festarako aukera.