33.000 euroko aurrekontuarekin 26 panel zaharberritu dituzte eta ‘Bertizko argia’ erakusketan ikusgai daude 30 urtez itzalpean gordea izan ondotik, zaharberritu eta argitara atera dute Bertizko jaurerriko kapera ondoan dagoen markesinako beirate modernista aberatsa.
Uztailaren 21era bitarte ikusgai izanen da Arizkunenean Ortzirale honetan, ekainaren 28an, Elizondoko Arizkunenea Kultur Etxean Miquel Cazaña Llagosteraren (Bartzelona, 1980) margo erakusketa zabalduko da. Erakusketa zabalik egonen da egunero uztailaren 21era arte 11:30etik 20:30era.
Uztailaren 4tik abuztuaren 25era zabalik izanen da Xabier Artolaren lana ikusteko epea, Kultur 2019 egitarauaren baitan Kameren aurrean dantzari; Dantza filmeko argazki sorta bat erakusketa zabalduko du Xabier Artola Zubillaga donostiarrak Bertizko jauregian uztailaren 4tik abuztuaren 25era, Kultur 2019 egitarauaren baitan. Egunero zabalik izanen da, 10:30etik 13:30era eta 16:00etatik 19:00etara. Erakusketa doakoa da, baina ordaindu egin behar da lorategi historikora sartzeko.
Joan den mendearen erditsuan baserriei ateratako argazkiak ikusteko modua izanen da abuztuaren 6ra bitarte Leoncio Urabayen Guindo geografo nafarrak joan den mende erditsuan Nafarroako baserriei ateratako 30 argazkien erakusketa ikusgai dago Berako Kultur Etxean abuztuaren 6ra bitarte. Nafarroako Unibertsitateko Publikoko Kultura eta Kirol Atalak antolatu du eta NUP Antenak ekimenari esker ailegatu da Berara.
Hori ospatzeko, kuadrilla arteko bideo lehiaketa ere antolatu dute, Tapia eta Leturiaren ‘Arroltze ta zingarra’ abestiarekin Aurten, lehendabiziko aldiz, Beran gosari herrikoia antolatu dute abuztuaren 2an Ikastolako Ostatuan. Hori ospatzeko kuadrilla arteko bideo lehiaketa bat antolatu dute.
Ortzegun arratsean botako dute txupinazoa, ortziralean herriko dantzarien saioa, larunbatean aizkora apustua eta igandean toka txapelketa eta trial desafioa izanen dituzte Uztailaren 18tik 21era ospatuko dituzte Iturengo bestak. Ortzegun arratseko 8etan botako dute txupinazoa eta segidan kalejira eta zopak izanen dituzte; Ortziralean, haurren bazkaria, herriko dantzariak eta herri-afaria izanen dituzte; larunbatean aizkora apustua eta herri-bazkaria; igandean, toka txapelketa, trial desafioa eta bestak akitzeko, Txamukos mariatxiak.
Larunbat eguerdian eskaini duten emanaldiaren ondotik, Zumaiako artistaren lanak irailaren 20ra arte izanen dira ikusgai Larungo Kaiola ostatuan zabaldu da Keixeta margolariaren erakusketa. Uztailaren 20an ireki dute, larunbatean 12:00etan Pettik eta Micek eskainitako kontzertu batekin eta irailaren 20ra bitarte ikusgai izanen dira Zumaiako artistaren lanak.
X. Alkaiaga Trail lasterketaz gain egitarau zabala prestatu dute Alkaiagako bestak asteburu honetan ospatuko dituzte. Larunbatean hamargarren urteurrena beteko duen Alkaiaga Trail lasterketaz gain, igandean frontoiaren “re-inaugurazioa”, meza, auzo-bazkaria eta Hor dun koxkoa Lesakako trikitilarien musika izanen dute.
Harriondoa Kultur Etxean ‘Cóncavo-convexo’ proiektuaren inguruan uztailaren 21ean eskainiko duten solasaldiarekin abiatuko da Martxel Rodriguez Etxabide dantzari lesakarrak eta Jon Lopez madrildarrak gidatzen duten Led Silhouette dantza-konpainiak ‘Cóncavo-convexo’ izeneko proiektua garatuko du uztailaren 16tik abuztuaren 11ra Lesakako Harriondoa Kultur Etxean, arte eszenikoak sustatzeko DNA Creación 2019 programak eskaitzen dituen erresidentzien barrenean. Lau asteburutan, publikoarentzat irekiak diren ekintzak eginen ditu konpainiak. Hasteko, uztailaren 21ean, igandean 18:00etan proiektua azaltzeko solasaldia eskainiko dute.