Udalaren laguntzaz, aurten ere, eskolako ikasleek landaketa pedagogikoa eginen dute.
Asteazkenean 19:00etan Beralandetan Oraindik urruti daudela iruditu arren, 2019ko bestak prestatzen hasteko tenorea dela jakinarazi dute Berako Kultur Batzordetik. Aurtengo bestak ere arrakastatsuak eta parte-hartzaileak izan daitezen, bestetako lehenbiziko bileran parte hartzeko gonbitea egin dute, ideia eta ekarpen guztiak ongi etorriak izanen direlako. Bilera idekia da. Bilera asteazkenean izanen da, otsailak 20, 19:00etan Beralandetan. «Gero ez erran ez duzula izan parte hartzeko aukerarik!», diote Kultur Batzorderik
Asteazkenean 20:00etan erabilera anitzeko udal aretoan ‘Heteropatriarkatu kapitalistari planto!’ goiburupean martxoaren 8rako deitua dagoen greba feministaz informatzeko, emakume eta gizonentzako bilera irekia antolatu du Lesakako Emakume Taldeak otsailaren 20an, asteazkenean 20:00etan Lesakako Udalaren Erabilera Anitzeko aretoan (Koskontako Bidea 7, 2.).
Bertze urte batez, inauterietako argazki lehiaketa antolatu du erran.eus atariak. Ilbeltzean hasi ziren inauteriak gurean eta martxoko lehen asteburu honetan izanen dute segidarik zabalena. Ondotik, argazki lehiaketan parte hartzeko bete beharreko oinarriak, epeak eta sariak zehaztu ditugu.
Ostiralera arte eman daiteke izena udaletxean.
Otsailean ikusgai izanen da Maiela Zurutuza eta Josu Jimenezen lana Maiela Zurutuzaren Komorebi erakusketa ikusgai izanen da otsailean liburutegi publikoan. Erakusketan agertzen diren haikuak Josu Jimenez Maiaren Gerezi Garaiko Haikuak liburutik ateratakoak dira. Nafar Ateneoko euskara eleduna da Jimenez.
Otsailaren 1etik apirilaren 12ra bitarte ortziraletan, 20:00etatik 21:45era, bilduko dira.
Urtarrilaren 30era arte eman daiteke izena eta otsailetik maiatzera eskainiko dituzte Musika Eskolan larunbatero Berako Udalak eta Berako Kultur Batzordeak antolatuta, gaita eta atabala tailerrak eskainiko dituzte otsailetik ekainera larunbatero 13:00etatik 14:00etara Isidoro Fagoaga Udal Musika Eskolan. Izena emateko epea urtarrilaren 30era bitarte zabalik dago eta 100 euro ordaindu behar da. Ikastaro bakoitzeko guttieneko kopurua bortz lagunekoa da. Izena emateko 948 012 012 telefonora deitu behar da. Argibide gehiago Berako Kultur Etxean, 948 631222 telefonora deituz edo kultura@bera.eus helbide elektronikora idatziz.
Elizondoko Osasun Zentroan menopausia tailerra eskainiko dute otsailaren 13an eta 20an, 11:00etatik 13:30era. Izena emateko Elizondoko Osasun Zentrora joan behar da edo 948 581832 telefonora deitu.
Gardelkopagoeta inguruan azpiegitura lanak eginen dituzte larunbat honetan eta zuhaitzak landatu hurrengoan Arbolaren Eguna antolatu dute otsailaren 16an eta 23an Lesakako Gardelkopagoeta inguruan. Lehenbiziko larunbatean, eremua garbitu, piketeak sartu, zerrakura egin eta gisako lanetan ariko dira. Hurrengoan, berriz, zuhaitzak landatuko dituzte. Helduak 08:00etan abiatuko dira eta haurrak 09:00etan.