Bideartean eginen dute ortzegunean 19:30ean Baztango Udalak web orrian jakinarazi duenez, Elbeteko Bideartea eraikinen baldintza urbanistikoak aldatzeko Hiri-Jardueretako plan bereziaren barne atal modura, bilera informatiboa eginen dute ortzegun honetan, hilak 24, Bideartea etxean, 19:30ean.
Ortzegunean 20:00etan Harriondoan hasiko den emanaldirako gonbidapenak Turismo Bulegoan eskura daitezke ETBko Herri txiki infernu handi grabatzen aritutu ziren hilaren 15ean eta orain, 24an, ortzegunean 20:00etan bideo proiekzioa, Zuhaitz Gurrutxaga eta Mikel Pagadiren monologoak eta Xebastian Lizasoren bertsoak izanen dira Harriondoan. Saio horetara joateko gonbidapenak Turismo Bulegoan eskura daitezke (16 urtetik goitikoak).
Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.
Egunotako puska biltzeen ondotik, astelehenean Iturenen bilduko dira joaldunak eta mozorroak eta asteartean Zubietan Inauteriak gain-gainean ditugu eta Ituren, Aurtitz eta Zubietan joare soinuak somatzen hasiak dira. Ortzegunean puskak bildu dituzte etxez-etxe Ituren eta Aurtitzen, baina Zubietan, igandean aterako dira lehen aldiz puxkak biltzera. Hala ere, astelehena eta asteartea izaten dira egun haundiak, eskean ez ezik joareak eta mozorroak ere desfilean ibiltzen direnak.