Hilabeteko azken igandetan euskarazko filmen bi emanaldi eskaintzen ditu Tantirumairu ikastolak Lesakako Tantirumairu Ikastola zinema arratsaldeak antolatzen hasi da, Lesakako Udalaren laguntzarekin. Hilabeteko azken igandetan euskarazko filmen bi emanaldi eskaintzen ari dira eta abenduaren 30ekoa izanen da urteko azken saioa. Lehenbiziko saioa 16:30ean izanen da eta bigarrena 18:00etan.
Udaletxeko ganbaran eskainiko dute, 17:00etan.
Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.
Koteto Ezkurraren agurreko partidako argazkiak bildu ditu Sortzez pasaitarra, baina Sunbillarekin harreman handia duen Jose Ignacio Muruak argazki erakusketa ireki du Sunbillako Bustitz ostatuan. Hain zuzen, Koteto Ezkurrak Galarretan jokatu zuen azken partidako argazkiak bildu ditu eta bi astez ikusgai izanen dira. Koteto Ezkurra bera izan zen larunbatean irekiera ekitaldian.
Ostegunean, 18:30ean, Orantzaroari buruzko hitzaldiarekin hasi eta urtarrilaren 4ko Soma Cult taldearen kontzertuarekin itxiko dute Eguberrietako egitaraua Aurten ere 'Negun Atekan hotzik ez' egitaraua antolatu dute leitzarrek. Atekabeltz gaztetxean denetariko ekitaldiak izanen dituzte: hitzaldiak, magia ikuskizuna, tailerrak, pintxopoteoa, kontzertuak. Abenduaren 20an hasiko dituzte ekitaldiak eta urtarrilaren 4an emanen diete amaiera.
Abenduaren 20tik urtarrilaren 20ra ikusgai izanen da Harriondoa Kultur Etxean Lesakan haurtzaroari begira 1920-1950 erakusketa ikusgai izanen da abenduaren 20tik urtarrilaren 20ra Lesakako Harriondoa Kultur Etxeko Txokobiko aretoan. Lesakako Osasun Etxeko pediatra den Belen Compainsek bultzatutako erakusketa da, Udalaren eta Beti Gazte elkartearen laguntzarekin, «baita beraien testigantzak gogoz eskaini dituzten hainbat herritarren laguntzarekin ere», Compains berak dioenez.
Abenduaren 23tik 31ra bitarte jokatuko dira partidak Donezteben Doneztebe Futbol Taldearen estutik, Areto-futbol Txapelketaren zortzigarren edizioa jokatuko dute aurten. Abenduaren 23an hasiko dituzte partidak eta hilaren 31n bukatuko dira. Izen-emateko epea ortzegunean, abenduaren 13an, akituko da. Nahi duenak doneztebefutboltaldea@gmail.com helbide elektronikora eman dezake izena.
16 eta 22 urte bitarteko gazteei zuzenduta, bideoak sortu eta sare sozialetara igotzen ikasteko eta trebatzeko ikastaroa izanen da 16 eta 22 urte bitarteko gazteei zuzenduta sormen laborategia antolatu du Baztango Euskara Zerbitzuak, bideoak sortu eta sare sozialetara igotzen ikasteko eta trebatzeko. Katubiko Oier Fuentes izanen da Arizkunenea Kultur Etxean eskainiko den ikastaroaren emailea. Izen-ematea azaroaren 29a baino lehen egin behar da, euskara@baztan.eus helbide elektronikora idatziz edo 948 580006 telefonora deituz.