Emakumeen kontrako indarkeria identifikatu eta horri aitzin egiten ikasteko saioa izanen da Azaroaren 25aren baitan, hainbat ekimen antolatu dira Emakumeen Kontrako Indarkeria gaitzesteko. Aste honetan, 12 eta 18 urteko gazteentzat, begirada morea sortzeko espazioa antolatu du Bortzirietako Gizarte Zerbitzuen Mankomunitateak, Arantzako Guraso Elkartearen laguntzarekin. Saioa, ortzirale honetan, azaroak 30, izanen da, 18:00etan Baskulan.
Azaroaren 25a arte eman daiteke izena eta epez kanpo ez da apuntatzeko aukerarik izanen Txitxillu guraso elkartearen eskutik azaroaren 30ean, hondarreko ostiralean, merienda-afaria eginen dute herriko estalpean. 18:00etan dute hitzordua.
Festetan animaliek jasaten duten «zapalkuntza» ageri da Askekintzak egindako dokumentalean Iragarri bezala, egitarau betearekin doa azaroa eta abendua ere halaxe izanen da. Aipatzekoa da joan den urtean sekulako arrakasta izan zuen Katarrapikaka lehiaketa oraingoz atzeratzea erabaki dutela antolatzaileek, baina gainerakoan, aurreikusi bezala egiten ari dira ekitaldiak. Aste honetan ere izanen da ekitaldirik. Ostiral honetan, azaroak 30, Gurean dokumentala ikusteko aukera izanen da Ganbaran. Animaliek Euskal Herriko festetan jasaten duten tratua salatzeko lana da Gurean, Askekintzak egina. 18:30ean eskainiko dute.
Navarra, ¿Por qué no es un estado? liburua aurketuko du ortziralean 19:00etan Herriko Etxeko batzar aretoan Jose Antonio Beloquik Mintzoa argitaletxearen bidez argitaratutako Navarra, ¿por qué no es un estado? (Nafarroa, zergatik ez da estatu bat?) liburua aurkezteko solasaldia eskainiko du azaroaren 30ean, ortziralean 19:00etan Lesakako Herriko Etxeko batzar aretoan.
Arizkunenean bilduko dira 20:00etan Baztango Bertso Eskolak antolatuta, heldu den ortziralean, azaroraren 30ean, 'Bertsolaritza puntuagarria. Nola epaitzen da bertsoa?' hitzaldi-tailerra izanen dute, Arkaitz Goikoetxearen eskutik. Arizkunenean dute hitzordua, 20:00etan.
Ortziralean 22:30ean ‘Guduak’ eskainiko du Atauts taldeak Errekalden Berako Euskara Batzordeak, Kultur Batzordearen eta Bortzirietako Euskara Mankomunitatearen laguntzaz antolatutako Kafe-Antzerki Zikloaren hogeigarren edizioko hirugarren eta azken emanaldia eskainiko dute azaroaren 30ean. Ortzirale arratseko 10:30ean, Atauts taldeak ‘Guduak’ taularatuko du Errekalde Ostatuan. Asier Hernandez eta Dorleta Urretabizkaia dira antzezlan honetako aktoreak. Emanaldia doan izanen da.
Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.
Lanbide Eskolan, urriaren 15etik azaroaren 30era eginen dute Erakunde sozialetan menpekotasun egoeran dauden pertsonei arreta egiteko ikastaroa eskainiko dute urriaren 15etik azaroaren 30era Elizondoko Lanbide Eskolan. 15:00etatik 20:20ra izanen da ordutegia. Apuntatzeko epea urriaren 15a bitarte zabalik dago Enplegu Portalean, Doneztebeko enplegu agentzian. Inskripzioa egiteko linka
Bezperan goizean luntxa eta arratsaldean txokolate beroa eskainiko dituzte San Andres Egunaren harira, ekitaldiak antolatu dituzte herrian. Heldu den ortzirale eta larunbaterako, azaroaren 30erako eta abenduaren 1erako, zehaztu dute hitzordua. Herriko gazteek haur, gazte eta helduen gozamenerako ekitaldiak antolatu dituzte.
22:30etik aurrera dute hitzordua Atekabeltz gaztetxean Nafarroako iparraldean sortutako Kurkuma taldeak eta Tolosan sortutako Humus hardcore taldeek girotuko dute Atekabeltz gaztetxea ostiralean. 22:30etik aurrera dute hitzordua.