Azaroaren 24ko azienda feria eguneko bazkarian betizu haragiarekin egindako gisatua emanen dute Umore Onak, Guraso Elkarteak, Gazte Asanbladak, Ezker Abertzaleak, Goizuetako Talogileak eta Kultur Taldeak Udalaren laguntzaz antolatuta, feriaren hamabosgarren edizioa izanen da azaroaren 24an.
Bertze urte batez, Sarako San Josepe eskolako burasoek Eguberrietako merkatua antolatu dute. Azaroaren 24an dute hitzordua, 09:00etatik iluntzera bitarte. Merkatuan burasoek egindako hainbat sorkuntza salgai paratuko dituzte. Jatekoa eta edatekoa ere eskainiko dute.
Bertzeak bertze Berako eta Leitzako liburutegietan eman daiteke izena eta gaur da hondarreko eguna Euskaraldiaren harira, azaroaren 24an Nafarroako Euskal Irakurle Taldeen I. Biltzarra eginen dute Nafarroako Liburutegian. 09:30etik 14:00etara bilduko dira, eta helburua «irakurle taldeek elkar ezagutzea, eta bide batez, euskal literatura sustatzea» da.
Sindikalista ezagunak parte hartuko du 'Landa Begiradak' goiburupean Baztango Udalak antolatutako jardunaldietan, larunbatean 11:30ean eskainiko duen solasaldian José Bové Frantziako nekazaritza sindikalista eta europarlamentaria da. Europako parlamentuan nekazaritza eta landa-garapeneko lehendakari ordea eta Confédération paysanne nekazal sindikatu frantsesaren fundatzailea eta bozeramaile ohia ere bai. Nekazaritza-politika alternatiboaren bila, tokian tokiko nekazari ttikien defentsan atera da beti, nazioarteko merkataritzako itun ekonomikoak salatuz. Elikadura burujabetzaren aldeko ekintzailea izanik, nazioarteko ekimenetan parte hartu izan du. Transgenikoen kontra ere gogor mintzatu izan da. José Bové landa eremuen eta nekazaritzaren etorkizunaz ariko da, geroari buruz Baztanerako kontuan hartzeko gaiak. Mintzaldia Udalak antolatu du eta azaroaren 24an, Arizkunenea kultur etxean izanen da, larunbatean 11:30ean. Euskarara aldi bereko itzulpen zerbitzua eskainiko da. Bovéren mintzaldia Landa Begiradak goiburupean Udalak antolatu dituen jardunaldien barnean eginen da.
Larunbat arratsaldean esku-lan tailerra eta mus partidak izanen dituzte elkartean eta afaria eta dantzaldia frontoian Azaroaren 24an ospatuko dute San Andres eguna Zigan, Zigaurre auzoan dagoen ermitaren omenez. Azken urteetan bezala, arratsaldean haurrentzat esku-lan tailerra eta txokolate beroa izanen da. Mus partidak elkartean 18:00etatik goiti hasiko dira eta ondotik afaria frontoian, gero Salaberrirekin dantzaldia. Frontoia berotzeko berogailua jarriko da.
Isabel Lacar Abrilen zuzendaritzapean, Arraiozko elizan ariko dira 20:30ean hasita. Pianoan Imanol Elizasu eta saxofoiarekin Ioritz Mitxeltorena ariko dira.
Azaroaren 24am, larunbatean 22:30ean Koskillako plazan 30 urte bete ditu Lesakako Kanka rock taldeak. Egia da duela urte batzuk utzi ziotela eszenalekuetara igotzeari, nahiz eta tarteka egin dituzten berragerraldietan, jendetza mugitu duten. Baina lehen kontzertua 1988ko urrian eskaini zuten, duela 30 urte. Eta hori gogoratzeko, bertze kontzertu bat eskainiko dute azaroaren 24an, larunbatean 22:30ean Lesakako Koskilla ostatuaren ondoko plazan.
Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.
Lanbide Eskolan, urriaren 15etik azaroaren 30era eginen dute Erakunde sozialetan menpekotasun egoeran dauden pertsonei arreta egiteko ikastaroa eskainiko dute urriaren 15etik azaroaren 30era Elizondoko Lanbide Eskolan. 15:00etatik 20:20ra izanen da ordutegia. Apuntatzeko epea urriaren 15a bitarte zabalik dago Enplegu Portalean, Doneztebeko enplegu agentzian. Inskripzioa egiteko linka
Azaroaren 1etik 28ra ikusgai izanen da Arizkunenean Fernando Manterolaren Argazkien bitartez Photos & Montajes argazki erakusketa ikusgai izanen da azaroaren 1etik 28ra Elizondoko Arizkunenea Kultur Etxean. Asteartetik ortziralera (17:00etatik 20:30era) eta larunbat eta besta egunetan (11:30etik 13:30era eta 17:30etik 20:30era) irekiko dira ateak.
Nekazaritzaren etorkizunaz ariko da José Bové sindikalista ezaguna azaroaren 24an Elizondon Landa begiradak goiburupean antolatu dituen jardunaldien bitartez, «landa eremuari buruzko gogoeta kritikoa pizteko elkargunea» eraiki nahi du Baztango Udalak. Film emanaldiak, solasaldiak eta adinekoen zaintzarako udal planaren aurkezpena izanen dira egitarauan, baina beharbada, erakargarririk handiena José Bové nekazaritza sindikalista ezagunak eta europarlamentariak azaroaren 24an eskainiko duen solasaldia izanen da. Egun berean, ‘Eutsi baserriari’ goiburupean nekazarien bazkaria ere antolatu dute 14:00etan Antxitonea trinketean. Txartelak salgai daude Mendi, Albaitaritza eta Baztandarra Kooperatiban azaroaren 15era bitarte.
Azaroaren 22an 'Él nunca me pegó' dokumentalaren proiekzioa izanen dute Atekabeltzen Indarkeria matxistaren aurka hainbat ekitaldi antolatu dituzte Leitzaldean. Libre izan nahi dugulako! lelopean bilduko dira. Azaroaren 22an, hasiko dira ekitaldiak eta 25ean borobilduko dituzte, ipuin kontalariarekin. Bien bitartean, Berdintasun Batzordeak luzaturiko deialdiarekin bat eginen dute kontzentrazioan eta igandean Torrean bazkalduko dute.
Ortziralean 23:30ean Kataku herri ostatuan Rafa Rueda musikariak eta bere taldeak kontzertua eskainiko dute azaroaren 23an, ortziralean 23:30ean Kataku herri ostatuan. Emanaldia, Xugan eginen den Kafe-Antzerki Zikloko antzezlana bukatu eta gero hasiko da.