11:00etan Argaitzeko harrobian eginen da ekitaldia eta 12:00etan Herriko Etxeko plazan Azken urteotan hainbat herritan –tartean Beran– 36ko gerran izandako jokaera eta krimen gaitzesgarriak saihesteko asmoz eta berriz gerta ez daitezen, bakea, erreparazioa, ideien defentsa baketsua eta aniztasun errespetuaren alde lan egin da. Horren harira, Berako Udalak ekitaldi ireki batzuk antolatu du azaroaren 18rako. Hauetan 1936ko gerrako biktimak omenduko ditu; hau da, arrazoi ideologiko, politiko eta erlijiosoengatik hil zituztenak, torturatu, bortxatu edo jazarri zituztenak.
Irain eskolako eta Tantirumairu ikastolako gurasoek antolatua Irain eskolako eta Tantirumairu ikastolako guraso elkarteek, Lesakako Udalaren laguntzaz antolatutako Haurraren Eguna ospatuko dute azaroaren 18an Lesakan. Igande goizean, 11:00etatik 13:30era puzgarriak eta jokoak izanen dituzte. Arratsaldeko 5etan, DJ Porruren ikuskizuna eta ondotik berendua. Izanen dute.
Dani Martirenaren kontaketak eta Julio Soto eta Uxue Aberdiren bertsoek girotuko dute zinema Azken orduko gorabeherak tarteko, azaroaren 11rako aurreikusia zen bertso literarioen saioa hilaren 18ra gibeleratu du Udalak. 18:30ean izanen da. Dani Martirenaren kontaketak eta Julio Soto eta Uxue Alberdi bertsoek girotuko dute zinema.
Landa begiradak jardunaldien lehen ekitaldia izanen da, igandean 19:00etan Gizarte Bilgunean Baztango Udalak antolatutako Landa Begiradak jardunaldien lehen ekitaldia azaroaren 18an eginen dute. Igande arratsaldeko 7etan, Hubert Charuel zuzendariaren ‘Petit Paysan’ filma eskainiko dute Iruritako Damaso Zabalza Gizarte Bilgunean. Emanaldia jatorrizko bertsioan eginen da (frantsesez) gazteleraz azpidatzia.
Igande arratsaldeko 7etan hasita Kataku herri ostatuan Lanbroa taldeak kontzertua eskainiko du azaroaren 18an, igandean 19:00etan Kataku Herri Ostatuan.
Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.
Lanbide Eskolan, urriaren 15etik azaroaren 30era eginen dute Erakunde sozialetan menpekotasun egoeran dauden pertsonei arreta egiteko ikastaroa eskainiko dute urriaren 15etik azaroaren 30era Elizondoko Lanbide Eskolan. 15:00etatik 20:20ra izanen da ordutegia. Apuntatzeko epea urriaren 15a bitarte zabalik dago Enplegu Portalean, Doneztebeko enplegu agentzian. Inskripzioa egiteko linka
Azaroaren 1etik 28ra ikusgai izanen da Arizkunenean Fernando Manterolaren Argazkien bitartez Photos & Montajes argazki erakusketa ikusgai izanen da azaroaren 1etik 28ra Elizondoko Arizkunenea Kultur Etxean. Asteartetik ortziralera (17:00etatik 20:30era) eta larunbat eta besta egunetan (11:30etik 13:30era eta 17:30etik 20:30era) irekiko dira ateak.
Nekazaritzaren etorkizunaz ariko da José Bové sindikalista ezaguna azaroaren 24an Elizondon Landa begiradak goiburupean antolatu dituen jardunaldien bitartez, «landa eremuari buruzko gogoeta kritikoa pizteko elkargunea» eraiki nahi du Baztango Udalak. Film emanaldiak, solasaldiak eta adinekoen zaintzarako udal planaren aurkezpena izanen dira egitarauan, baina beharbada, erakargarririk handiena José Bové nekazaritza sindikalista ezagunak eta europarlamentariak azaroaren 24an eskainiko duen solasaldia izanen da. Egun berean, ‘Eutsi baserriari’ goiburupean nekazarien bazkaria ere antolatu dute 14:00etan Antxitonea trinketean. Txartelak salgai daude Mendi, Albaitaritza eta Baztandarra Kooperatiban azaroaren 15era bitarte.