Errespetuzko harremanen aldeko kanpaina eginen da Malerrekako Mankomunitateko hamahiru udalerritan Nazioarteko Emakumeenganako Indarkeria Aurkako egunaren harira.,14 eta 18 urte arteko neskei zuzendua, azaroaren 9an Indarkeria sexistei aurre egiten tailerra izanen da 17:00etatik aurrera, Malerrekako Mankomunitatean, Gaur bukatuko da izena emateko epea. Mankomunitateko telefonora deitu behar da (948 451 746) edo ssdoneztebe@malerreka.infolocal.org helbide elektronikora idatzi Ondotik, azaroaren 30ean, 18 urtetik goitiko emakumeei zuzendutakoa eginen dute eta azaroaren 29ra bitarte apunta daiteke. Bizipenak elkarbanatu, saretu eta elkarrekin autodefentsa tresna sortzaileak eraikiko dituzte doakoak eta euskaraz eskainiko diren tailer hauetan
Azaroaren 9an abiatuko da Lixoia ostatuan, Ay Teatro taldearen ‘Zaharrak berri’ antzezlanarekin Berako Euskara Batzordeak, Kultur Batzordearen eta Bortzirietako Euskara Mankomunitatearen laguntzaz antolatutako Kafe-Antzerki Zikloaren hogeigarren edizioa azaroaren 9an, ortzirale arratseko 10:30ean abiatuko da Lixoia ostatuan, Ay Teatro taldearen Zaharrak berri antzezlanarekin. Nerea Gorriti eta Barbara Rivar dira antzezlen honetako aktoreak.
Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.
Lanbide Eskolan, urriaren 15etik azaroaren 30era eginen dute Erakunde sozialetan menpekotasun egoeran dauden pertsonei arreta egiteko ikastaroa eskainiko dute urriaren 15etik azaroaren 30era Elizondoko Lanbide Eskolan. 15:00etatik 20:20ra izanen da ordutegia. Apuntatzeko epea urriaren 15a bitarte zabalik dago Enplegu Portalean, Doneztebeko enplegu agentzian. Inskripzioa egiteko linka
Azaroaren 1etik 28ra ikusgai izanen da Arizkunenean Fernando Manterolaren Argazkien bitartez Photos & Montajes argazki erakusketa ikusgai izanen da azaroaren 1etik 28ra Elizondoko Arizkunenea Kultur Etxean. Asteartetik ortziralera (17:00etatik 20:30era) eta larunbat eta besta egunetan (11:30etik 13:30era eta 17:30etik 20:30era) irekiko dira ateak.
Ortziralean Lizaso eta Egaña bertsolariek girotutako herri-bazkaria izanen dute, pilota partidaren ondotik Sanmartin usaina hedatzen hasia da Aurtizen; bestetarako prest daude herritarrak. Azaroaren 8an lehertuko da bestei hasiera emanen dien altxaferoa eta igande ilunabarrera bitarte hainbat ekitaldi izanen dituzte: pilota partida, aizkora apustua, trikitixa emanaldia, dantzarien saioa... Ez dute atseden hartzeko tarterik izanen.
Kultur taldeak dinamika aldatu du eta aurrerantzeak kultur eskaintza urte osoan izanen dute Goizuetako kultur eskaintza urte osora zabaldu dute. Hori horrela, aurrerantzean bizpahiru hilabetetik Agenda argitaratuko dutela jakinarazi dute. Aitzitik, horrek ez du azaroko ekitaldiak antolatzea galaraziko. Areago, azaroaren 3an abiatu zuten, Ttap antzerkia eta Jubilatuen Eguna izan zituzten. Datorren asteburua ere ekitaldiz lepo dator.