Herrikoez gainera, Legazpi, Lezo eta Lesakako dantzariak karrika eta auzoetan bilduko dira Urteroko hitzorduari hutsik egin gabe, Gure Txokoa Elkarteak Dantzari Ttiki Eguna antolatu du larunbat honetan, ekainak 2. Aurtengoa XXIV. edizioa izanen da eta Gure Txokoako dantzariez gain, Legazpiko Korosti, Lezoko Murixka eta Lesakako Tantirumairu dantza taldeetakoak bilduko dira.
Larunbat goizean pilota eta pala desafioa, bazkaria eta bazkalondoan musika eta dantzaldia izanen dute Urteroko hitzorduari hutsik egin gabe, aurten ere Sagardo Eguna izanen dute ekainaren 2an, larunbatean, Narbarten. Aspertzeko tarterik utzi gabe, egun osoko egitaraua prestatu dute.
Larunbat eguerdian izanen dute hitzordua kantariek eta musikariek plazan Ekainaren 2an, larunbatean, Euskara Zerbitzuak antolatutako Malerreka Kantuz egitasmoak Urrozen izanen du geldialdia. Eskualdeko herritarrak 12:00etan abiatuko dira plazatik, eta trikitixa lagun, euskal kantak kantatuko dituzte, karrikak girotuz.
Larunbatean 20:00etan eskolako patioan, Euskara Batzordearen eskutik Joan den urteko uztailaren 21ean, 22an eta 23an, oroimen historikoan oinarritutako Harritik Hazia herri-antzezlana taularatu zuten Berako Kultur Etxean. Haur, gazte eta helduen antzerkilari talde bat bildu eta 1936an Beran gertatutakoaz antzezlan bat prestatu zuten, gerrari buruzko gogoetak sortuz, eta historia liburuetatik kanpo utzitako emakumeei protagonismoa emanez. Ekimen arrakastatsua izan zen, hiru egunetan jendetza bildu baitzen Beran antzerkia ikustera. Ekainaren 2an, larunbaean 20:00etan Arantzako eskolako patioan ikusteko aukera izanen da., Euskara Batzordeak antolatua.
Larunbatean 20:00etan elizan antolatu du Elizondoko Abesbatzak Hondarribiko Eskifaia Abesbatzak kontzertua eskainiko du ekainaren 2an, larunbatean 20:00etan Oronoz-Mugairiko elizan. Elizondoko Abesbatzak antolatu du emanaldia, joan den urtetik ospatzen ari den 75. urteurreneko ekitaldien barrenean.
Ekainaren 9an errepresioa izanen dute hizpide eta 14:00etan bazkaria izanen dute Atekabeltz Gaztetxeak, Irurtzungo Pikuxarrekin elkarlanean, 'Kontzientzia eskuratu iraultza' antolatu du. Apirilaren 28tik ekainaren 23ra bitarte hainbat saio antolatu dituzte, Irurtzunen, Larraunen eta Leitzan.
Haurdun daudenei zuzenduriko zortzi orduko ikastaroa izanen da Agruparte Elkarteak eta Baztango Udalak, lankidetzan, haurdun daudenendako musikoterapia tailerra antolatu dute. Zortzi saioko tailerra maiatzaren 2tik ekainaren 20ra bitarte eskainiko da, Arizkunenea Kultur Etxean. Asteazkenetan bilduko dira, 10:00etatik 11:30era. Izen-ematea 160 euro ordaindu beharko da.
Hitzaldiak, tailerrak, antzerkiak, ipuin-kontaketak, haurrentzat jarduerak, erakusketak... izanen dituzte Kultur Aroa ate joka ari da. Leitzarrek maiatzaren 4an irekiko dizkiote ateak eta garagarrilaren 30era bitarte haur, gazte zein helduek hainbat ekitaldiz gozatzeko aukera izanen dute. Hilaren 4an, ostiralean, Amazabal ikastetxeko ikasleen Leitza Urratsez Urrats hitzaldiarekin abiatuko dute Kultur Aroa. Berrikuntza proiektuaren harira egindako lanak aurkezteko hitzordua 11:30ean dute, udaletxean. Maiatzaren 5ean, berriz, Autodefentsa feminista tailerra izanen dute, 10:00etatik 14:00etara eta 16:00etatik 20:00etara.
Pilota partidak eta patata tortilla lehiaketa izanen dira ortzeguneko egun handian Urtero bezala, Bestaberri egunaren inguruan besta egitarau zabala prestatu dute Almandozen. Egun handian, mezaz gain, pilota partidak eta patata tortilla lehiaketa izanen dituzte eta hondar egunean, guztia borobilduz, jaunartzeak, herri kirolak, puzgarriak eta zozketa.
Ezagutu Dezagun Lesaka lehiaketako sariak banatuko dituzte ortzegunean, Elutxa txarangaren eta lerro dantza taldearen kalejira ortziralean, Beti Gazte Eguna larunbatean eta argazki rallya eta margo lehiaketa azkarra igandean izanen dituzte Lesakako Beti Gazte elkarteak hainbat ekitaldi antolatu ditu ekainaren lehen asteburu honetarako, Udalaren laguntzaz. Ezagutu Dezagun Lesaka lehiaketako sariak banatuko dituzte ortzegunean, Elutxa txarangaren eta lerro dantza taldearen kalejira ortziralean, Beti Gazte Eguna larunbatean eta argazki rallya eta margo lehiaketa azkarra igandean izanen dituzte
Egunero irekia egonen da, 12:00etatik 14:30era eta 17:30etik 21:00etara Eugenio Llamosas margolariaren margo erakusketa irekiko dute Arizkunenea Kultur Etxean ekainaren 1etik 24ra. Sortzez Castro Urdialeskoa (Kantabria), Baztango Eskolako kide den Llamosas-en margolanak lehen ere ikusgai izan dira Arizkunenean. Egunero irekia egonen da erakusketa, 12:00etatik 14:30era eta 17:30etik 21:00etara.
Herri Afarirako izen-ematea maiatzaren 30era bitarte dago zabalik Ekainarekin batera kirol hitzorduak izanen dira nagusi Donezteben. Izan ere, ekaineko lehendabiziko asteburuan, dagoeneko errotua den Erreka Kirol Elkartearen XII. edizioa dute. Egun handia ekainaren 2an, larunbatean, izanen bada ere, bezperatik hasiko dira girotzen.
56 kilometroko Malerrekako Bira proposatu dute larunbat goizerako, errepideko bizikletarekin Ekaineko lehendabiziko asteburuan, dagoeneko errotua den Erreka Kirol Elkartearen hamabigarren edizioa eginen dute Donezteben. Egun handia ekainaren 2an, larunbatean, izanen bada ere, bezperatik hasiko dira girotzen. Larunbat goizean Malerrekan barna bizikleta itzulia eginen dute, berrikuntza modura.
Bigarren ardi zakur lehiaketa eginen dute larunbatean eta gasna lehiaketa eta kantu bazkaria igandean Ekainaren 2 eta 3an ospatuko den Etxalarko XXV. Gasna eta Artisau Feriarako dena prest dauka Altxata elkarteak. Larunbatean Ardi zakur lehiaketaren bigarren edizioa eginen dute eta igandean ardi gasna lehiaketa izanen dira ekitaldi nagusiak, Harkaitz Allur eta Maddalen Arzallusek girotuko duten kantu bazkariarekin batera.