Larunbatean 17:00etan San Martin elizan Azken bi urteetan egin duten moduan, Imanol Elizasurekin batera emanaldi berezia prestatzen ari dira Bortzirietako eta Baztango haur kantariak, martxoaren 24an, 17:00etan Lesakako San Martin elizan eskainiko duten Haur Kantarien III. Topaketarako. Zaria koru eskola izanen da aurtengo abesbatza gonbidatua.
Larunbatean 18:30ean Herriko Etxeko ganbaran Ni ta punto! ikuskizuna eskainiko du Bea Egizabalek Martxoaren 8an, Emakumeen Nazioarteko Egunean eta inguruan hainbat ekitaldi egin ziren Iturenen ere. Eta, oraindik orain, horren harira Malerrekako Mankomunitateak antolaturiko kontakizun ilustratuaz gozatzeko aukera izanen dute. Martxoaren 24an, larunbatean 18:30ean Bea Egizabalen eskutik Ni eta punto! ikusteko eta aditzeko hitzordua, eta Herriko Etxeko ganbaran elkartuko dira.
Larunbatean 19:00etan hasita ikusgai izanen da Lesakako hiru emakumek osatzen duten Hiruklun antzerki taldearen lana Martxoaren 24an, larunbatean 19:00etan, Vini, Vidi, Vinci antzezlana eskainiko du Hiruklun taldeak Kultur Etxean. Lesakako Maria Eugenia Arriola, Maite Bidarte eta Gotzone Rekondok osatzen dute Hiruklun antzerki taldea. Lehendik ere eskainia dute antzezlana Lesakan eta Igantziko Kultur Egunetan, arrakasta handiarekin. Sarrera 4 euro kobratuko dute.
Larunbat arratsaldeko 7:30ean elizan Martxoaren 24an, larunbatean 19:30ean kontzertua eskainiko dute elizan Igeldoko Lezkarri eta Goizuetako Umore-Ona abesbatzek.
Larunbat ilunabarrean eginen duten bileran hainbat gai landuko dituzte Baratzondo Elkarteko bazkideek Larunbat honetan, martxoak 24, ilunabarreko bederatzietan bilduko dira Baratzondo Elkarteko bazkideak, urteko bilera egiteko. Urtean zehar izandako altak eta bajak, kontuak, etabar izanen dira jorratuko dituzten gaiak, juntako lau partaide berri aukeratu baino lehen.
Lanak ekainaren 1era arte aurkezten ahal dira eta 400 euroko saria izanen da Bestak prestatzen hasiak dira Beran. Martxoaren 6an egin zuten lehen bilera irekia eta orain, bestetako egitarauaren azalerako lehiaketaren deialdia zabaldu du Berako Kultur Batzordeak. Lanak ekainaren 1era arte (ortziralea) eta eguerdiko 13:30 baino lehen aurkeztu beharko dira Herriko Etxeko Bulegoetan gisa honetako lehiaketetan ohikoa den sistema erabiliz eta sari bakarra izanen da, 400 eurokoa, baina saria hutsik ere geratzen ahal da.
Martxoaren 16tik apirilaren 8ra ikusgai izanen da Arizkunenean Martxoaren 16tik apirilaren 8ra irekiko dute Elizondoko Arizkunenea Kultur Etxean bortz emakumeren margolanak biltzen dituen ‘Emociones en color’ (Emozioak koloretan) margo erakusketa. Zehazki, Isabel Olondriz, Mila Esteban, Mary Puy Luquin, Ananda G.D. eta Blanca Jimenezen artelanak ikusteko aukera izanen da, astegunez 17:00etatik 20:00etara eta besta egunetan 12:00etatik 14:00etara eta 17:00etatik 20:00etara. Inaugurazio ekitaldia martxoaren 16an, ortziralean 19:00etan eginen dute.
Lanak maiatzaren 20ra bitarte aurkez daitezke Berako kultur etxean Berako kultur Batzordeak eta Bortzirietako Bertso eskolak, Euskara Mankomunitatearen laguntzarekin, Baztan-Bidasoaldeko 31. Bertsopaper lehiaketa antolatu dute, Baztan-Bidasoa inguruan bizi direnentzat. Lanak Berako kultur etxean aurkeztu behar dira, maiatzaren 20a baino lehen, gisa hauetako lehiaketetan ohikoa den sistema erabiliz.
Artisau Feriaren eta gazta lehiaketaren hamaikagarren edizioa eginen dituzte igandean Martxoko azken asteburuan eginen da berriz ere Sunbillako Asteburu Kulturala. Ekitaldiz gainezka dator eta igandean, artisau feriaren eta gazta lehiaketaren hamaikagarren edizioak beteko dituzte.
Martxoaren 24 eta 25eko ekitaldien ondotik, martxoaren 31n kantu zaharren afaria antolatu dute Martxoaren 24, 25 eta 31an izanen da Berroetako Asteburu Kulturala. Urtero gisa ekitaldi anitzak antolatu dira herrian, hiru egunetan banatuta.
Igandean, ‘Basoko bideetan barrena’ liburua aurkeztuko du Hasier Larretxeak Nazioarteko Basoen Eguna ospatu dute martxoaren 21ean eta horren harira, Bertizko Natur Parkean ekitaldiak antolatu dituzte asteburu honetan. Hasteko, martxoaren 17tik apirilaren 8ra arte Zuhaitz Zaharren Lagunen Elkarteak utzitako argazki erakusketa ikusgai dago Pedro Ciga aretoan.