Ostirala, otsailak 2

19:30

Iraultza boltxebikeak 100 urte. Oraingo Euskal Herrirako ze irakaspen?

Eneko Compains eta Iraitz Agirre izanen dira hizlari Gaztetxean ortziralean 19:30ean  Joan den azaroan iraultza boltxebikeari buruz Elizondon egitekoa zen mintzaldia elur-erauntsiarengatik eleketaria etortzen ahal ez zelako bertan behera gelditu zen. Hortaz, hitzordu berria otsailaren 2an, ortziralean 19:30ean izanen da Elizondoko Gaztetxean. Eneko Compains (EHUko irakaslea) ete Iraitz Agirre (Emagin elkartea) izanen dira hizlari, Iraultza boltxebikeak 100 urte. Oraingo Euskal Herrirako ze irakaspen? gaiaren inguruan.

20:30

Bardoak 2018 lehen saioa Beran

Osotara, lau saio izango dira txapelketako lehen asteburu honetan, Beran, Iruñean, Leitzan eta Barañainen. 16 talde ariko dira guztira aurtengo Bardoetan, ortziralean hasi eta martxoaren 24ra arte  Dena dago prest 'Bardoak 2018, Nafarroako taldekako bertso egitasmoa' abiatzeko. Otsailaren 2an, ortziralean Beran izanen da saioa, eta horrekin abiatuko da taldekako aurtengo txapelketa. Berako Ibardin: Hiru ta lau dira zazpi (Patxi Castillo, Aitor Elexpuru eta Julen Zelaieta) eta Sakanako Sakana Zirt taldea izanen dira aurrez aurre, 20:30ean, Kataku ostatuan. Ordu erdi lehenagotik merendua izanen da ostatuan bertan, hara bertaratzen direnentzako. Sarrera librea izango da, baina borondatea uzteko aukera izanen dute entzuleek. 

17:00

19:00

'Gure buruak zaintzen tailerra'

60 urtetik gorako emakumeei zuzendua dago eta urriaren 6ra bitarte eman daiteke izena Pasa den urteko arrakasta ikusita bigarrenez antolatu du Leitzaldeko Berdintasun Batzordeak Gure buruak zaintzen tailerra. 60 urtetik gorako emakumeei dago zuzendua, dohainik izanen da eta Maite Blanco psikologo eta Gestalt terapeuta izanen da emailea. 

09:00

08:00

Arantzako inauteriak

Ortzegunean, bizkarrekoak jarriko dizkiete mozorroei eskolan eta larunbatean Binakako Urrezko Aizkora txapelketako finalerdia jokatuko da Ohikoa denez, Arantzan inauterien data ofizialei aurre hartu eta asteburu honetan ospatuko dituzte mozorroen bestak. Ortzegunean hasiko dira mozorro zuriak lanean eta baserriz baserriko eskean. Ortziralean ere halaxe ibiliko dira eta Jon Maia eta Alaia Martinekin bertso afaria eta emakumeen afaria ere izanen dira. Larunbatean herri kirola izanen dute, Binakako Urrezko Aizkora txapelketako saioa frontoian.

10:00

23:00

Igantziko inauteriak

Bildotsa eta ardo lotea zozketatuko dute larunbat arratsean  Igantziko inauteriak ospatuko dituzte ortzirale eta larunbat honetan. Gazteek auzoz auzo eta baserriz baserri ibiliko dira bi egunetan, bidenabarkoan larunbat arratsean zozketatuko dituzten bildotsa eta ardo loterako boletoak salduz. 

10:00

23:00

Donamariako inauteriak

Ortziralean eta larunbatean gazteak auzoz auzo ibiliko dira eta larunbat arratsaldean haurrak eta gurasoak ere elkartuko zaizkie  Donamarian ere inauteriak ospatuko dituzte asteburu honetan, ortziralean eta larunbatean. Ortziralean gazteak ibiliko dira eskean eta larunbatean eskolako haurrak eta gurasoak ere elkartuko zaizkie.

10:15

23:50

Orakunde Eguna eta inauteriak Zigan

Ortziralean haurrak eta gazteak ibiliko dira eskean eta larunbatean mozorroen dantzaldia izanen dute  Orakunde eta inauteri eguna batera ospatzen dituzte Zigan. Aurtengoan otsailaren 2an, ortziralean, izanen dute hitzordua. Baina, inauteriak larunbatera arte luzatuko dira. 

15:00

23:00

Aresoko inauteriak

Mozorro lehiaketa egingo dute larunbatean  Otsaileko lehenengo asteburuan kolorez eta umorez beteko da Areso ere. Ostiralean haurren kalejirarekin eta larunbateko Pake Toki elkarteko herri afaria eta afalondora bitarte, izango da ongi pasatzeko aukerarik.