Euskal Herriko Txistulari Elkarteak argitaratzen duen ‘Txistulari’ aldizkarian argitaratu dute eta urriaren 5ean eginen dute aurkezpena Arizkunenean Baztango sagar eta soka dantzen inguruko ikerketa lan sakona egin dute Arizkungo Javier eta Patxi Larralde aita-semeek, eta Txistulari aldizkarian argitaratu berri da. Euskal Herriko Txistulari Elkartearen eskutik urriaren 5ean, ortzegunean 18:00etan Elizondoko Arizkunenea Kultur Etxean antolatutako aurkezpen ekitaldian emango dute xehetasun gehiagoren berri, bildutako partiturak aurkeztuko dituzte eta sagar dantzen erakustaldia ere eginen da. Era berean, aldizkariaren aleak ere eskuragarri izanen dira.
Leitzekok antolatuta, ostegun arratsaldeko 7etan Chiapasko CAM elkarteko Cristina González izango da hizlari IPES, Mundubat eta Nafarroako Mugarik Gabe erakundeek, Nafarroako Gobernuaren laguntzaz antolatutako Gobernantza lokal eta eraldatzailea: elikadura burujabetza eta genero berdintasuna jardunaldien baitan, Leitzeko elkarteak hitzaldi bat ekarriko du Leitzara. Hain zuzen, urriaren 5ean, ostegun arratsaldeko 7etan Atekabeltz gaztetxean, Mexikoko emakumeak elikadura burujabetza eraikitzen hitzaldia eskainiko du Chiapasko CAM elkarteko Cristina Gonzálezek.
Irailaren 18tik abenduaren 21era, astelehenero Donezteben, asteartero Zubietan, asteazkenero Donamarian eta ortzegunero Sunbillan Malerrekako Mankomunitateak, La Caixako Obra Social proiektuaren laguntzarekin, Jubiloteka jarriko du martxan eskualdean irailaren 18tik hasi eta abenduaren 21era bitarte.
Lanak urriaren 31 baino lehen aurkeztu behar dira Lesakako Beti Gazte elkarteak argazki lehiaketa antolatu du aurtengoan ere, Lesakako udalaren laguntzarekin. Honela, nahi duten afizionatu guziek har dezakete parte eta lanak urriaren 31 baino lehen aurkeztu beharko dira Beti Gazte elkartean (Beheko Plaza 9, 31770 Lesaka), gisa honetako lehiaketetan ohikoa den sistema erabiliz.
Irailaren 23an egin zuten inaugurazio ekitaldia eta ilbeltza bitarte egonen dira ikusgai ‘Ready made’ estiloan egindako lanak Jose Luis Urtxulutegi doneztebarra, Ramon Aranzabal zarauztarra eta Juan Luis Alkorta zugarramurdiarra "Ready made" izeneko estiloan dabiltza murgildurik, Betimuga Factory taldearen baitan. Eskulturak, kuadroak... egiten dituzte eta larunbatean, irailaren 23an, Zugarramurdiko sorginen museoko goiko solairuan inauguratu zuten erakusketa.
Urriaren 2tik azaroaren 6ra bitarte izanen da ikusgai Diana Iniestak ‘Negua New Yorken’ olio-pintura erakusketa ireki du Bertiz Natur Parkean. Urriaren 2an, astelehenean, ireki zituen ateak eta azaroaren 6ra bitarte, goizez (10:30etik 13:30era) zein arratsaldez (16:00etatik 17:30era), esku zabalik hartuko ditu bisitariak.
Urriaren 2tik 13ra Arizkunenea Kultur Etxean Udazken honetan zenbait argazki erakusketa egiten ari dira Elizondoko Arizkunenea Kultur Etxean. Urriaren 2tik 13ra, Ramon Serranoren Etorkizuna gaur hasiko da erakusketa antolatu du Vicente Ferrer Fundazioak.
Urriko asteazken guztietan eskainiko ditu kontakizunak arratsaldeko 5etan Baztango Udaleko Kultura Batzordeak, 2017ko Arte eta Kultura egitarauaren baitan ‘Asteazkenhaur’ Zikloa antolatu du. Joan den asteazkenean magia ikuskizuna izan zuten eta urriko asteazkenetan ipuin kontalaria izanen da Baztango liburutegi publikoan. Sarrera doan izanen da.