Asteartea, abuztuak 15

07:50

07:00

ERRAN.EUS udako argazki lehiaketa

Aurten ere, argazki lehiaketa antolatu du ERRAN.EUSs interneteko atariak. Ekainaren 29tik irailaren 12ra arte bidaltzen ahalko dira argazkiak, baldintza batzuk betez. Ttipi-Ttapa zabaltzen den eremuan sortu izan edo bizi eta 16 urtetik goiti duen orok parte hartu dezake. Argazkik  eskualdean ateratakoak izan behar dute (argazkia non atera den zehaztu beharko da). Argazkiak originalak eta bertze inon argitaratu gabeak izan beharko dute. Koloretan edo zuri-beltzean aurkez litezke eta 300 px-ko bereizmena eta 30x20 zentimetroko gutxieneko tamaina izan beharko dute (baldintza hauek betetzen ez dituztenak baztertu eginen dira). Argazkiak ERRAN.EUS artxiboan gordeko dira eta antolatzaileak beretzat gordeko du jasotako lanak argitaratzeko eskubidea. Argazkiak ERRAN.EUS atarian lehiaketarako prestatutako formularioaren bidez bidali beharko dira. EPEAK: Argazkiak bidaltzeko epea: Ekainaren 29tik irailaren 12ra arte. ERRAN.EUSeko erabiltzaileen saria emateko bozketa fasea: Irailaren 12tik irailaren 26ra arte. Irabazleak: ERRAN.EUS atarian jakinaraziko dira urriaren 5ean. Sari-banaketa: Urri hasieran.

09:00

07:00

erran.eus udako argazki lehiaketa

Lanak irailaren 12ra arte bidal daitezke eta sari dotoreak izanen dira aurten ere  Aurten ere, argazki lehiaketa antolatu du ERRAN.EUS plataformak. Ekainaren 29tik irailaren 12ra arte bidaltzen ahalko dira argazkiak, baldintza batzuk betez.

12:00

19:00

'Haiek danak sorginak' argazki erakusketa

Uztailaren 20tik irailaren 4ra, Kultur 2017 programazioaren baitan  Nafarroako Gobernuko Kultura, Kirol eta Gazteriako Departamentuak antolatutako Kultur 2017 programaren baitan Bertizko Jaurerriko Natur Parkean Bego Antonen argazki erakusketa izanen da uztailaren 20tik irailaren 4ra, Sauvageren parte-hartzearekin. Uztailaren 20an egin zuten inaugurazio ekitaldia, artistak bertan zirela eta egunero, 10:30etik 13:30era eta 16:00etatik 19:00etara irekia dago Haiek Danak Sorginak izenburua duen erakusketa. 

10:00

20:00

Lesakako Zerbitzuen Elkarteko merkatua larunbatetan

Beheko Plazan eginen da 10:00etatik 20:00etara  Lesakako Zerbitzuen Elkarteak uztail eta abuztuko larunbatetan Merkatua antolatu du Beheko Plazan, Lesakako Udalaren eta Nafarroako Gobernuaren laguntzarekin. Honela, uztailaren 22 eta 29an eta abuztuaren 5, 12, 19 eta 26an aterako dituzte bere produktuak karrikara.

17:30

20:30

Juan Carlos Pikabearen udako erakusketa

Irisarri etxean, egunero 17:30etik 20:30era Azken urteetako ohiturari eutsiz, Juan Carlos Pikabea margolari lesakarraren margolanak ikusgai daude uztailaren 31tik abuztuaren 31ra bere etxean, Otsango auzoko Irisarri etxean. Egunero, arratsaldeko 5:30etik 8:30era. Aurtengoan, abstrakziotik erretratura doaz Pikabeak zintzilikatu dituen lanak.

11:00

14:00

Bidasoaldeko emakumeak margotzen

Hamaika emakumeren margolanak zintzilikatuak daude abuztu hondarra bitarte udaletxeko ganbaran Baztan-Bidasoko emakumeak margotzen izeneko margo erakusketa ikusgai dago Sunbillako Udaletxeko ganbaran, abuztuaren 1etik 30era bitarte, 11:00etatik 14:00etara. Zehazki, Esther Fernandez, Iciar Muñoz, Isabel Olondriz, Mari Puy Luquin, Begoña Durruty, Mila Esteban, Eva Irazoki, Luixa Mujika, Amanda Gonzalez, Blanca Jiménez eta Iciar Mikelperizenaren lanak ikusgai daude.

18:30

21:00

Diana Iniestaren 'Negua New Yorken'

Abuztuaren 1etik 6ra bere tailerrean erakutsi ondotik, hilaren 8tik 31 labaderoan eginen du Negu honetan New Yorken margotu eta otsailean bertan erakutsitako margoak eta Baztanen margotutako paisaiak biltzen dituen ‘Negua New Yorken’ margo erakusketa zabaldu du Diana Iniesta margolariak abuztuan Erratzun.

15:00

20:00

Hats-Arte erakusketa Senperen

Erakusketaz gain, oinezko ibilaldiak eta bertze emanaldiak iragarri ditu Hatsa elkarteak Larraldean Senpereko Hatsaren Poesia urteroko olerki liburuan parte hartzen dutenen artean artista aunitz badirela ikusiz, Hatsa elkarteak bigarren aldiz Hats-Arte talde-animazio erakusketa bat egituratu du. Senpereko Amotz auzoko Larraldean iraganen da abuztuko lehen hiu asteburuetan.

11:30

23:50

Leitzako Santiburtzio pestak

Txupinazoa ostegun arratsaldean botako bada ere, joan den asteburuan Plazaola aldizkariaren banaketa eta umeen eguna ere izan zituzten  Joan den larunbatean, Plazaola aldizkaria banatu zuten Leitzan eta igandean umeen eguna izan zen Ingurutxo eta guzti, nolabai Santiburtzio pesten hasiera ez ofiziala eginez. Txupinazoa, berez, ostegun arratsaldean botako dute eta saria emanen zaio Plazaola aldizkariko azalaren egileari. Aurretik, kuadrillen arteko herri kirolak, elkartasun manifa, jubilatuen bazkaria eta herri bazkaria ere izanen dituzte. Hortik aurrera, beste sei eguneko pesta haundia izanen dute Leitzan.

18:00

22:00

Oronoz-Mugairiko bestak

Ortzirale arratsaldean botako den txupinazoarekin hasi eta Amabirjin eguneko mariatxiekin akituko dituzte  Herri aunitzetan Amabirjin bestak abuztuaren 14an hasten direla kontuan hartuz, aurtengoan Oronoz-Mugairin aitzineko asteburuan hastea erabaki dute. Honela, txupinazoa abuztuaren 11n, ortzirale arratsaldean botako dute eta Amabirjin egunean akituko dira bestak. Tartean, bortz egunez egitarau betea izanen dute.

08:00

02:00

Goizuetako festak

Osteguneko Bakailao lehiaketan, Patxi Bakero eta Esteban Arozena nagusitu ziren Goizuetako Amabirjin festak azken txanpan sartuak dira. Ostegunean, Bakailao lehiaketa egin zuten eta Patxi Bakero eta Esteban Arozena nagusitu ziren. Arratsaldean, Umore-Ona dantza taldearekin eta Ortzadar fanfarrearekin dantzak izan ziren plazan. Ostiralean izanen dute azken eguna, Umore Ona peñaren eguna.

10:00

23:50

Zugarramurdiko bestak

Ortziraleko eginen den zikiroak jendetza erakarriko du aurten ere Abuztuaren 14an, astelehen goizeko 10:00etan abiatuko dira bestak Zugarramurdin eta suziria aditu bezain fite, auzoz auzoko eskean aterako dira gazteak musikariekin. Ortzeguneko ahate jokoa eta ortziraleko zikiro jatea izanen dira ekitaldi berezienak, baina egunero bada non josta! Hori bai, igandean zikiroko baxerak garbitzea izanen dute Akelarrenean eta segidan, merendua lanean aritu direnendako.

12:00

23:59

Arantzako bestak

Arantza Rock jaialdiarekin batera bertze zenbait ekintza antolatu dituzte  Abuztuaren 14an, astelehen eguerdian botako den txupinazoarekin abiatuko dira Arantzako bestak. Bortz eguneko bestak izanen dira, ortziraleko atsedenaldiarekin. Bukaerarako, abuztuaren 19rako, Arantza Rock jaialdia utzi dute. Rock doinuez gain, bertze hainbat ekintza izanen dira larunbat osoan.

17:00

23:50

Aresoko festak

Amabirjin egunean Tio Teronen semeak dantza taldearen emanaldia izanen da eta zenbait egunez Bakartxo Anizen argazki erakusketa ikusgai Udaletxean  Abuztuaren 14an, astelehen arratsaldeko 6etan botako dute festa hasierako txupinazoa Areson. Ondoren, herri kirol saioa jokatuko dute gurasoek gazteen aurka. Amabirkin egunean, herriko haurren saioa eta pilota partidaz gain, Tio Teronen semeak dantza taldearen emanaldia da aipagarriena. Bakartxo Anizen argazki erakusketa ere ikusgai izango da egunotan Udaletxean, beste hainbat ekitaldiren artean.

17:00

03:00

Etxalarko bestak

Ortziraleko Asau Egunean, Elektropatxaranga arituko da  Abuztuaren 14tik 18ra ospatuko dituzte Etxalarko bestak. Astelehenean 20:00etan botako dute altxaferoa, baina aitzinetik haur eta helduendako lasterketa herrikoiaren hirugarren edizioa eginen dute eta agerraldi ixila ere izanen da. Ondotik, egunero eta gauero ekitaldi bereziak izanen dituzte, ortziraleko Asau egunarekin bukatzeko.

17:30

23:50

Donamariako bestak

Abuztuaren 14tik 18ra hainbat ekitaldi antolatu dituzte, tartean asteazkeneko tira goiti bulka beheiti lehiaketa  Donamarian ere abuztuaren 14an, astelehen arratsean abiatuko dira bestak. Txupinazoaren aitzinetik, ordea, herri kirolak ere izanen dituzte. Ondotik, lau egunez ekitaldi bereziak izanen dituzte, astazkeneko tira goiti bulka beheiti lehiaketa edo aizkora apustuak eta pilota partidak. Hondar eguneko herri bazkarian eta komenturako bisitan lau Oihana ariko dira bertso kantari eta trikitixa eta panderoarekin.

20:00

02:30

Zubietako bestak

Abuztuaren 14tik 18ra ospatuko dituzte Abuztuaren 14tik 18ra ospatuko dituzte herriko bestak Zubietan ere. Astelehen gauerdian arbola altxatzea eginen dute eta joaldunak aterako dira, bertze ekitaldien artean. Egun handian, 85 urteko herritarrak omenduko dituzte, aizkora apustua izanen da eta Ortzadar dantza taldearen emanaldia. Baina bertze hainbat ekitaldi ere prest dituzte.

20:00

04:00

Amaiurko bestak

Abuztuaren 14tik 19rako ospakizunetan ekitaldi bereziak eta ikusgarriak antolatu dituzte  Abuztuaren 14an, astelehen arratseko 8etan botako diren suziriekin eta ezkil jotzearekin abiatuko dira Amaiurko bestak. Abuztuaren 15ean, Baztan-Bidasoko XV. Ardi erakusketa eta lehiaketa, Burgete arrazako zaldien erakusketa eta Artzain Zakur lehiaketaren 42. Edizioa izanen dira aipagarri. Baina bortz egunez, ortzeguneko atsedenaldiarekin, egitarau zabal askia prestatu dute Amaiurren.

20:00

23:00

Ezkurrako bestak

Amabirjin egunean erakustaldia izango da eta abuztuaren 18an Nafarroako hirugarren mailako aizkora txapelketaren finala Hainbat aizkolari eman dituen eta hainbat aizkora zale dituen herrian ezin zitekeen bestela: aizkorak protagonismoa izango du egun handian egingo den erakustaldiarekin eta azken urteetako ohiturari eutsiz, Nafarroako hirugarren mailako txapelketaren finala ere Ezkurran jokatuko da, ostiralean. Baina beste hainbat ekitaldi ere prestatu dituzte abuztuaren 14tik 19ra.