Bi urtero bezala, Agerra Mendi taldearen eta Manttaleren eskutik Bi urtero bezala, Berako Agerra Mendi Taldeak eta Manttalek mendi irteera bat antolatu dute Gavarnie eta Taillonera, Piriniotan. Txango hau uztailaren 15ean eginen da eta parte hartzean interesatuta dagoen orori zuzenduta dago. Agerra Mendi Taldeak eta Manttalek, bi mailetako bi irteera desberdin prestatu dituzte.
Urdazubiko Ikaburuko lezearen eguna ospatuko dute uztailaren 15an, larunbatean, eta egun osorako egitarau zabala prestatu dute. Goizean, tailerren bidez, historian gibelera egin eta garai batean baliatzen zituzten zenbait teknika ikasteko aukera izanen da. Egun osoz, artisau azoka, argazki lehiaketa eta txalaparta tailerra ere izanen dira eta eguna bukatzeko artisau produktuz betetako saski baten zozketa eginen dute.
Larunbat arratseko 7etatik goiti haurrentzako jokoak eta jan-edariak izanen dira Udako sasoin guziz herriko elkarteek erromeriak antolatzen dituzte. Uztailaren 15ean, Sarako urtxintxak esku baloi elkarteak zikiro bat eginen du Lur Berri gelan, arratseko 7etatik goiti, deneri idekia izanen da. Haurrentzat jokoak izanen dira 7etatik goiti gaueko 10ak arte, haientzat jateko boltsak salduko dira 6 eurotan: ogitarteko bat; chips-ak, fruitu jusa eta izozki batekin.
Patata tortilla lehiaketak laugarren edizioa beteko du Uztailaren 15a Karmengo Amabirjin bezpera da eta 7. Herri afaria eginen dute Goizuetako plazan larunbatean 20:30ean. 21:30ean, garai bateko ohitura galdu gabe, suak piztuko dituzte. Eguraldi txarrarekin Pilota Plazan izanen litzateke afaria. Sagardoa, ardoa, freskagarriak eta bestelakoak Udalak jarriko ditu.
Larunbatean 22:30ean hasita Kataku ostatuan Belarmiñak taldeak kontzertua eskainiko du uztailaren 15ean, larunbatean 22:30ean hasita Berako Kataku ostatuan.
Uztailaren 15era arte aurkez daitezke txokoen argazkiak eta 29ra arte bozkatzeko aukera izanen da Arantzako udaleko ingurugiro eta turismo batzordeak, bigarren aldiz, herriko txokorik politena aukeratzeko lehiaketa antolatu du. Lehiaketan parte hartu nahi duenak, etxe edo inguruaren argazkia, Dena edo Apezenea janaridendetan utzi beharko du, uztailaren 15a baino lehen. Aurkeztutako argazkiak jendaurrean egonen dira uztailaren 29a arte.
Aurten ere, argazki lehiaketa antolatu du ERRAN.EUSs interneteko atariak. Ekainaren 29tik irailaren 12ra arte bidaltzen ahalko dira argazkiak, baldintza batzuk betez. Ttipi-Ttapa zabaltzen den eremuan sortu izan edo bizi eta 16 urtetik goiti duen orok parte hartu dezake. Argazkik eskualdean ateratakoak izan behar dute (argazkia non atera den zehaztu beharko da). Argazkiak originalak eta bertze inon argitaratu gabeak izan beharko dute. Koloretan edo zuri-beltzean aurkez litezke eta 300 px-ko bereizmena eta 30x20 zentimetroko gutxieneko tamaina izan beharko dute (baldintza hauek betetzen ez dituztenak baztertu eginen dira). Argazkiak ERRAN.EUS artxiboan gordeko dira eta antolatzaileak beretzat gordeko du jasotako lanak argitaratzeko eskubidea. Argazkiak ERRAN.EUS atarian lehiaketarako prestatutako formularioaren bidez bidali beharko dira. EPEAK: Argazkiak bidaltzeko epea: Ekainaren 29tik irailaren 12ra arte. ERRAN.EUSeko erabiltzaileen saria emateko bozketa fasea: Irailaren 12tik irailaren 26ra arte. Irabazleak: ERRAN.EUS atarian jakinaraziko dira urriaren 5ean. Sari-banaketa: Urri hasieran.
Lanak irailaren 12ra arte bidal daitezke eta sari dotoreak izanen dira aurten ere Aurten ere, argazki lehiaketa antolatu du ERRAN.EUS plataformak. Ekainaren 29tik irailaren 12ra arte bidaltzen ahalko dira argazkiak, baldintza batzuk betez.
Uztailaren 16an finituko da 18 urtetik goitikoek lanak aurkezteko epea Ixtorioak begarrietara kontakizun lehiaketa paratu du martxan Zugarramurdiko Sorginen Museoak. 18 urtetik goitikoendako da lehiaketa, baina kontakizunak haurrei zuzendutako ipuina behar du izan, eta gaiak euskal mitologiarekin lotura izan eta irudimena sustatu behar du.
Gizarte Zerbitzuen eskutik, dibertigarriak, dantza egiteko modukoak eta giro ona sortzen duten abestiak uztailaren 31 arte proposa daitezke Gizarte Zerbitzuen Mankomunitateko Goizueta-Aranoko Prebentzio Batzordeak “Zuk aukeratu zuk dantza egin” lehiaketa antolatu du bigarren urtez, uztailaren 10etik 31 arte. Tratu onak eta harreman onak zabaltzeko Bhutan Proiektuaren barrenean dago jarduera hau.
Ortzirale arratseko txupinazoa baino lehen puzharriak, herri-kirolak eta joko zaharrak eta dantzariak izanen dituzte Uztailaren 14tik 17ra ospatuko dituzte Iturengo bestak. Ortzirale arratseko 8etan botako den txupinazoaren aitzinetik ere hasiko dira ospakizunak,eta bertzeak bertze, larunbatean paella herrikoia izanen dute, igandean Pantxoa Carrereren kontzertua eta astelehenean, bertso-bazkaria, zingar jatea eta hondar ekitaldiekin akituko dira.
Uztailaren 14tik abuztuaren 6ra ikusgai izanen dira bere tailerrean Oaia Peruarena Telletxea margolari beratarraren azken lanak ikusgai izanen dira uztailaren 14tik abuztuaren 6ra bitarte Beran, artistak Bidasoa karrikaren 4.ean duen tailerrean. Uztailaren 14an, ortziralean 19:00etan eginen du margo erakusketaren irekiera ekitaldia. Astelehenetik igandera 17:30etik 20:30era zabalduko ditu tailerreko ateak.
Parisen sortutako artistak lauburua eta ikurrina ezartzen ditu bere obren zentroan Uztailaren 15etik 30era, Axuri arte galerian Gogara artistaren sorkuntza grafikoak erakusgai izanen dira. Xareta Ikons izendatutako erakusketan artistak lauburua eta ikurrina ezartzen ditu obren zentroan.