erran.eus

Baionako Bernat Etxepare lizeo berriaren alde sagarrondoak saltzen hasiak dira

  Gizartea  Xareta  Sara

Sarako herriko etxeak 23 erosi ditu (hautetsi bakoitzeko bat) eta sagarrondoak landatu ahal izateko lur eremu bat ere utzi du

Bernat Etxepare lizeo berria Ipar Baionan eraikitzen hasiak dira, 2017ko irailaren sartzean idekitzeko asmoz. Lizeo berriaren barne altzariak diruztatzeko, Seaskak "Hazten Gaitu, hazten dugu" kanpaina antolatzen du: jendeak edo elkarteek sagarrondoak eros ditzakete (30 eurotan edo gehiago emanez), orotarat 300.000 euro biltzeko gisan.

Baionako Bernat Etxepare lizeo berriaren alde sagarrondoak saltzen hasiak dira
23 sagarrondo erosi eta landatu ahal izateko lur eremua utzi ditu Sarako Herriko Etxeak. | Ikusi handiago | Argazki originala

 

Abenduaren 17an, lehen sagarrondoen banaketa Baionako Bernat Etxepare lizeoan egin zuten eta abenduaren 20an, Sarako Herriko Etxearen aitzinean egin zuten egitasmoaren aurkezpena.

Sagarrondoa norberak erabakitzen du zein preziotan erosi nahi duen eta non landatu nahi duen, etxean edo euskararen sagartzean.

Sarako herriko etxeak lur eremu bat utzi du sagarrondoak landatu ahal izateko ; 23 sagarrondo erosi ditu 23 hautesti baitira eta beste bost gehiago bakearen aldeko artisauen omenez. Saran lizeoko gurasoak ofizialeen, komertsante eta norbanakoengana hurbiltzen hasiak dira sagarrondoak saltzeko. Beraz oraino erosi ez dutenentzat ere ez da berantegi.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa