Mendialdeko Gure esku dago ekimenaren aurkezpena egin dute abenduaren 17an Lekunberrin

  Gizartea  Mendialdea

Mendialdeko Gure esku dago ekimenaren aurkezpena egin dute abenduaren 17an Lekunberrin

Ekainean, Aranon, Areson, Goizueta, Leitzan, Araitzen, Betelun, Larraunen eta Lekunberrin herri-galdeketa egiteko asmoa azaldu dute eta horretarako sinadura bilketari ekin diote

Mendialdeko Gure Esku Dago ekimenaren aurkezpena egin zuten abenduaren 17an Lekunberrin. Leitzaldeko, Urumealdeko eta Lekunberri-Larraun aldeko hainbat lagun bildu ziren eta ekainean herri-galdeketa egiteko asmoa azaldu zuten. Horretarako, 16 urtetik gorako biztanleen %10aren babesa beharko dute Leitza eta Lekunberriren kasuan eta %15ekoa gainontzeko udalerrietan. Sinadura bilketari ekin diote eta bi hilabetez Goizuetan 96 sinadura, Aranon 15, Leitzan 253, Areson 38, Araitzen 70, Betelun 43, Larraunen 127 eta 124 Lekunberrin bildu beharko dituzte.  

Preso eta iheslariak etxeratze bidean jarri nahi dute langileek Ireki ekimenarekin

  Gizartea  Mendialdea

Preso eta iheslariak etxeratze bidean jarri nahi dute langileek Ireki ekimenarekin

Eskualdeko plataformaren aurkezpena egin dute abenduaren 14an Donezteben

Joan den urriaren 15ean Ireki plataformaren aurkezpena egin zen Donostian. Lanketa honen helburua da, langileri mugimendutik, Euskal Herriak Franziar eta Espainiar estuekin konpontzeke dauden aferei bultzada ematea, zehazki Euskal Preso Politikoen inguruan. Eskualdeko taldearen aurkezpena abenduaren 14an egin  dute Donezteben.

Kalera Kalera! dinamikak preso eta iheslarien egoera gizarteratuko du hilabetez

  Gizartea  Mendialdea

Kalera Kalera! dinamikak preso eta iheslarien egoera gizarteratuko du hilabetez

Beran itxialdia eginen dute asteburu honetan, hainbat ekitaldirekin, Baztanen bideo emanaldia eta bertze zenbait ekintza eta Leitzan ere itxialdia iragarri dute

Asteburuan eman zaio hasiera “Kalera Kalera!” ekimenari Usurbilen. Abenduaren 10etik urtarrilaren 8ra arte iraungo duen mobilizazio zikloak presoen auzia eta gatazkaren ondorioak jendearengana gerturatzea ditu helburu.

Euskararen Nazioarteko Eguneko Mintzodromoa hagitz arrakastatsua izan da

  Gizartea  Mendialdea

Euskararen Nazioarteko Eguneko Mintzodromoa hagitz arrakastatsua izan da

150 lagunetik goiti parte hartu zuten

Bortzirietako Euskara Mankomunitateak, Hego Lapurdiko Hiriguneak eta Bidasoa-Txingudi Partzuergoak osatzen duten Sareuska sareak, Mintzodromoa antolatu zuten abenduaren 3rako. 150 lagunetik goiti bildu ziren eta lau laguneko mahaiak osatuta, hiru gairen inguruan aritu ziren solasean. Peio Ospital, Kalakan taldeko bi kide eta Maialen Arzallus izan ziren gonbidatu bereziak.

892 lagun zeuden langabezian eskualdean azaro hondarrean

  Gizartea  Mendialdea

Urrian baino 32 lagun gehiagok eman dute Doneztebeko Enplegu Bulegoan 

892 lagunek emana zuten izena Doneztebeko Enplegu Bulegoan azaro hondarrean, urrian baino 32 gehiagok (%3,72). Nafarroan, guztira, 22 langabetu gehiago daude (%0,57). Beraz, eskualdean, banaz bertzekoa baino gehiago igo da langabezia.

Zaragozako erremonte txapelketa azkarrean nagusitu dira Urriza eta Joxe Etxeberria doneztebarra

  Kirola  Mendialdea

Zaragozako erremonte txapelketa azkarrean nagusitu dira Urriza eta Joxe Etxeberria doneztebarra

Igandeko partida erabakigarrian 30-17 irabazi zieten Endika eta Ion-i

Azaroaren 20an jokatu da Zaragozako erremonte txapelketa azkarrean Urriza eta Joxe Etxeberria III nagusitu dira. Hiru bikote lehiatu dira erremontean eta horretaz gain, bertze modalitatetako pilota partidak ere ikusi dituzte Zaragozako Helios Igeriketa zentruko frontoian.

Eskualdeko arraindegietan erabiltzeko tupperrak banatuko dituzte Baztan-Bidasoaldean

  Gizartea  Mendialdea

Eskualdeko arraindegietan erabiltzeko tupperrak banatuko dituzte Baztan-Bidasoaldean

Hondakinen Prebentziorako Astearen baitan, azaroaren 21etik 25era bitartean banatuko dira eta kanpainak Eguberriak arte iraunen du

Baztango Udalak eta Bortziriak eta Malerrekako Mankomunitateek, Hondakinen Prebentziorako Europako Astearen baitan, arraindegietan sortzen diren plastiko eta paper hondakinak saihesteko tupperrak banatuko dituzte herritarren artean. Kanpainaren helburu nagusia hondakinak sortzearen arazoei buruzko gogoeta eragitea, eta erosketak egiterakoan hau kontutan hartzea da.

Lesakako Arcelor Mittaleko hitzarmenaren aurre akordioa sinatzearen alde agertu da langileen gehiengoa

  Gizartea  Mendialdea

ELAk sustatutako kontsultan parte hartu duten 131 langileetatik 103k eman dute aldeko botoa eta LABen ustez, aurre akordio honekin, lantokiaren etorkizuna kolokan egonen da

LABek izan ezik, Lesakako Arcelor Mittal lantokiko bertze sindikatuak (CCOO, UGT eta ELA), lan hitzarmen berriaren aurre akordioa sinatu egin dute. LABen ustez aurre akordio horrek ez du langileen etorkizun duin bat bermatzen. ELAk sustatuta Legasa eta Lesakako lantegietan egindako kontsultetan 103 langile agertu dira sinaduraren alde.

Euskadi Literatura Sariak jaso dituzte Luis Gardek eta Fernando Mikelarenak

  Kultura  Mendialdea

Euskadi Literatura Sariak jaso dituzte Luis Gardek eta Fernando Mikelarenak

Azaroaren 17an egin zen sari-emate ekitaldia Donostiako San Telmo Museoan eta Iñigo Urkullu lehendakariaren eskutik jaso zituzten sari garrantzitsuak

Euskadiko Literatura Saria entzutetsuak banatu ditu Eusko Jaurlaritzak eta horietako bi, eskualdeko bi egilerentzat izan dira: Euskarazko literaturaren arloan, Donezteben bizi den Luis Garde iruñearra (Ehiztariaren isilaldia, Pamiela) saritu dute. Gaztelerazko saiakera saria Fernando Mikelarena Peña historialari beratarrak lortu du, Pamiela argitaletxeak argitara eman duen Sin piedad. Limpieza política en Navarra, 1936 liburuarekin. Sariak Iñigo Urkullu lehendakariaren eskutik jaso zituzten, bertze saridunek bezalaxe. Aitor Elexpuru eta Marga Erdozain, Bera eta Doneztebeko udaletako kultur zinegotziak ere lagun izan zituzten Donostian, baita bi herrietatik hurbildutako hainbat lagun ere.

Ederbidea proiektuak tokiko garapena sustatuko du bizikleta bidezko turismo iraunkorraren bitartez

  Gizartea  Mendialdea

Ederbidea proiektuak tokiko garapena sustatuko du bizikleta bidezko turismo iraunkorraren bitartez

Pirinio Atlantikoetako, Gipuzkoako eta Nafarroako 70 arduradun politiko eta tekniko bildu ziren azaroaren 17an Lekunberrin ekimen hori aurkezteko jardunaldian 

Bizikleta bidezko mugaz gaindiko Ederbidea mugikortasun-proiektua lehen pausoak ematen hasi da jadanik, azaroaren 17an Lekunberrin egindako aurkezpen-jardunaldian ezagutarazi den moduan. Proiektu horrekin, Nafarroa, Gipuzkoa eta Pirinio Atlantikoak modu iraunkorrean lotuko dira, eta bizikletaz egiten diren Europako ibilbide handietan sartzen lagunduko du.

Pirinio Atlantikoetako tokiko biomasa proiektuak ezagutzeko aukera izan dute eskualdeko hautetsiek

  Gizartea  Mendialdea

Pirinio Atlantikoetako tokiko biomasa proiektuak ezagutzeko aukera izan dute eskualdeko hautetsiek

Azaroaren 15ean egin zuten bisita Aspe mendiaren inguruko herrietan ezarritako azpiegiturak ikusteko

Ezpal-galdarak ezagutzeko asmoarekin Nafarroako udaletxeetako hainbat ordezkari Frantziako Pirinio Atlantikoetako Bedous eta Astugue herrietarat bisita egin zuten azaroaren 15ean. Eskualdeko hautetsien artean Juan Kruz Iriarte Baztango mendi eta herri-lurretako zinegotzia eta Joseba Otondo Baztango alkatea, Josu Iratzoki Berako alkatea eta Mikel Lertxundi mendiko zinegotzia, Amets Inda eta Maria Jesus Bereau Sunbilla eta Iturengo alkateak eta Jon Telletxea, Beintza-Labaingo alkatea zeuden.

 

Fernando Etxegaraik hamargarren txapela jantzi du Euskal Herriko koxkor biltze txapelketan

  Kirola  Mendialdea

Fernando Etxegaraik hamargarren txapela jantzi du Euskal Herriko koxkor biltze txapelketan

Maika Ariztegi azpitxapeldun izan zen larunbatean Elgoibarren, hamalau txapel jantzi eta gero

Euskal Herriko gizaseme eta emakumezkoen koxkor biltze txapelketak jokatu ziren azaroaren 12an Elgoibarren. Gizonezkoen artean, Berako Fernando Etxegaraik hamargarren txapela lortu zuen eta emakumezkoetan, Arabako Zuriñe Frutos izan zen txapeldun. 14 aldiz txapeldun izan den Maika Ariztegi iturendarra bigarren postuarekin konforme gelditu behar izan zuen. Gaur egungo Nafarroako txapelduna den Unai Iantzi aniztarra eta lehen parte hartzea zuen Irune Izkue beintza-labaiendarrak hirugarren postuak eskuratu zituzten.

Ezkurra II eta Ionek ezustea eman eta Ezkurra eta Etxeberria III.ari irabazi diote binakako txapelketan

 Mendialdea

Ezkurra II eta Ionek ezustea eman eta Ezkurra eta Etxeberria III.ari irabazi diote binakako txapelketan

Ortzeguneko estreineko partidan, Ezkurrak eta Etxeberria III.ak irabazi egin zieten Segurola eta Barrenetxea IV.ari

Josetxo Ezkurra II doneztebarrak eta Ionek erremonteko binakako txapelketako lehen ezustea eman zuten larunbatean Galarretan, Koteto Ezkurrari eta Etxeberria III doneztebarrei 38-40 irabazita. Oraingoan, iloba nagusitu zaio osabari eta lehen lau puntuak lortu ditu txapelketan Ionekin batera.

860 lagun zeuden langabezian eskualdean urri hondarrean

  Gizartea  Mendialdea

Irailean baino 34 lagun guttiagok eman dute Doneztebeko Enplegu Bulegoan

860 lagunek emana zuten izena Doneztebeko Enplegu Bulegoan urri hondarrean, irailean baino 34 guttiagok (-%3,80). Nafarroan, guztira, 586 langabetu guttiago daude (%1,49 guttiago).

Aritz Zubiri goizuetarrak lehen aldiz jokatuko du binakako erremonte txapelketa nagusian

  Kirola  Mendialdea

Aritz Zubiri goizuetarrak lehen aldiz jokatuko du binakako erremonte txapelketa nagusian

Bortz bikote lehiatuko dira azaroaren 3tik aitzinera eta abenduaren 17an jokatuko da finala

Bortz bikote ariko dira binakako 46. erremonte txapelketa ofizialean, joan den urtean Koteto Ezkurra doneztebarrak eta Endika Urrutia saldiastarrak jantzi zuten txapelaren bila: Urriza eta binakako nagusian lehen aldiz ariko den Aritz Zubiri goizuetarra, Ezkurra II eta Ion, Koteto Ezkurra eta Etxeberria III, Segurola eta Barrenetxea IV eta Uterga eta Endika.

Eneko Otañok irabazi du Euskal Herriko bigarren mailako aizkora txapelketa

  Kirola  Mendialdea

Eneko Otañok irabazi du Euskal Herriko bigarren mailako aizkora txapelketa

Beizamakoarekin batera, Julen Alberdik lortu zuen lehen mailan aritzeko eskubidea ematen duen bigarren postua ere 

Euskal Herriko bigarren mailako aizkora txapelketako finala jokatu zuten urriaren 29an  Azkoitiko pilotalekuan. Sei aizkolarietatik lau nafarrak ziren, baina bi gipuzkoarrek lortu zituzten lehen mailan aritzeko eskubidea ematen duten bi txartelak: Eneko Otaño txapeldun izan zen, eta bigarren mailako aizkolaririk gazteena, Julen Alberdi, bigarren.

Belen Urrutia-argazki lehiaketa

  Gizartea  Mendialdea

Nabarmenak

Zorion agurrak