Urtarrilaren 17an Donezteben, 18an Elizondon eta 26an Beran eginen dituzte bilerak
2017arekin batera Korrikaren 20. edizioa ere hurbiltzen ari da eta jadanik lanean hasiak dira buru-belarri. Korrikarekin batera, Korrika Batzordeak martxan jartzeko momentua ailegatu da eta urtarrilean zehar hasiko dira lanean eskualdean. Martxoaren 30ean hasiko da Korrika Otxandion eta apirilaren 9an bukatuko da Iruñean. Eskualdean barna apirilaren 3an igaroko da: Sara-Senpere aldean goizeko ordu ttikietan eta Baztan-Malerreka aldean arratsalde-gau partean.
Batzorde hauetan esku bat bota nahi duen oro ongi etorria izanen da. Hona hemen lehendabiziko hitzorduak:
- MALERREKA:
Urtarrilak 17, asteartea, arratsaldeko 19:00etan
Donezteben, Mankomunitateko egoitzan
- BAZTAN:
Urtarrilak 18, asteazkena, arratsaldeko 19:00etan
Elizondon, Suinki euskaltegian (Baztan Berri plazan)
- BORTZIRIAK:
Urtarrilak 26, ortzeguna, arratsaldeko 19:00etan
Beran, Beralandetan