Bortzirietako solaslagun taldea bertan izan zen eta Mentxu Peñak, Bortzirietako Euskara Mankomunitateko Lehendakariak eta Ander Almandozek ere, Arantzako Udaleko zinegotziak, solaslagun gisa parte hartu zuten euskaldun berriekin. Solaserako aukeraz gain, aldarrikapen eta bestarako tartea ere izan zen. Euskararen Nazioarteko Egunaren harira Pauso bat aurrera adierazpena irakurri zuten Kalakaneko bi musikariek. Peio Ospitalekin batera kantu bat kantatu zuten guztiek eta Maialen Arzallusek agurreko bertsoa bota zuen.
