Abenduaren 3an, larunbatean, 18:00etan Elizondoko elizan eskainiko dute lehen emanaldia; abenduaren 6an, asteartean, 18:00etan Lesakako San Martin elizan eta abenduaren 7an, asteazkenean 18:00etan Berako San Esteban elizan.
Aba Taano taldea
Aba Taano taldea bortz abeslarik osatzen dute: Nabbaale Harriet (mezzoa), Kimeze Joshua (baritonoa), Kamonga Morris eta Matanja Louis (baxuak eta Ssenteza Derrick (baxu eta zuzendariak). Gospel afrikarra, gospel amerikarra eta kantu etnikoa lantzen dute, a capella, umorez, zoriontasunez eta dinamismoz betetako emanaldiean eta hainbat sari eskuratu dituzte. Lau diska karrikaratuak dituzte.
Música para salvar vidas Gobernuz Kanpoko Erakundueak Ugandan sortutako umezurtz-etxe batetik ateratako lau musika taldeetako bat da. Gaur egun, 30 bat haurrek hezkuntza osoa jasotzen dute bertan eta musikak eta dantzak leku garrantzitsua du.