Partida orekatua joan zen. Beteranoak 6-1 aitzinetik jarri ziren, baina hamarna eta hamalauna berdindu ondotik, lau tanto aitzinetik jarri ziren Ezkurra II eta Ion. Berriz ere berdinketak izan ziren, hogeitabina eta hogeitazazpina, baina bortz tantoko aldea hartu zuten berriz ere Ezkurra II eta Ionek (27-32). Baina beteranoak ez zeuden amore emateko prest eta 35na berdindu ondotik, 37-35 ere aitzinetik jarri ziren. 37na eta 38na berdindu ondotik, azken bi tantuak urdinen alde erori ziren.
Aipatzekoa da txapelketako lehen partidan, ortzegunean, Koteto Ezkurrak eta Joxe Etxeberria III.ak 40-37 irabazi zietela Segurola eta Barrenetxea IV.ari. Hortaz, Doneztebeko bikotea sailkapen buruan dago, bi partidatan sei puntu eskuratuta. Ezkurra II eta Ionek 4 puntu dituzte partida bakarrean eta Segurola eta Barrenetxea IV.ak 2 puntu partida bakarrean. Uterga eta Endika eta Urriza eta Zubiri oraindik aritzekoak dira.