Hirugarren gelditu arren, garaipen gehien Nafarroak lortu zituen, hiru hain zuzen. Sokatiran, Lesakako Beti Gazteko tiralariak nagusitu ziren, koxkor biltzen Unai Iantzi aniztarra izan zen bizkorrena eta zaku lasterketan Berriozarko Iñaki Iraizoz, Oskar Aguas eta Oier Aizkorbe.
Gipuzkoak bi proba irabazi zituen, lasto altxatzen Tubik eta, ustekabean, arpanan Igor Esnaolak eta Xanti Aizpuruak, faborito nagusi ziren Nafarroako Barberena anaiei irabazita.
Bizkaiak ere bi proba irabazi zituen: aizkoran Aitzol Atutxak eta harri jasotzen Inhar Urruzunk.
Arabak ere bi garaipen lortu zituen, ingude altxatzen Jon Lapazaranek eta txingekin Kerman Perez de Herediak.
Azkenik, Behe Nafarroak ere irabazi zuen proba bat, orga jokoan Mathieu Apezetxek ezustea eman eta Ousmane Drame bizkaitarrari nagusitu baizitzaion.
