Adina eta sexuari dagokionez, 25 urtez goitiko gizasemeen artean 358 lagun daude langabezian, uztailean baino 2 gehiago. Adin tarte horretako emakumeen artean ere 5 gehiago daude langabezian, 469. 25 urtez beheitiko gizasemeen artean uztailean baino 1 guttiago dago langabezian, 35 lagun denera. Adin tarte horretako emakume gazteen artean uztailean baino 5 langabetu gehiago daude, 43 denera.
Arloka, uda garairako datu bitxia utzi digu abuztuak, izan ere, zerbitzuen arloan goiti egin du langabeziak eta industrian eta eraikuntzan beheiti.
zerbitzuen arloak segitzen du langabe gehien izaten, eta uztailean baino 17 gehiago ditu, 616tik 633ra pasatuz. Industria arloan, aldiz, 3 langabetu guttiago daude, 140 denera. Eraikuntzan ere 3 langabetu guttiago daude, 62. Nekazaritzan, berdin mantentzen da langabetu kopurua 24 denera, eta aitzinetik lanik egin ez dutenen artean ere, 46 lagun daude langabezian, uztailean bezalaxe.