Adina eta sexuari dagokionez, 25 urtez goitiko gizasemeen artean 379 lagun daude langabezian, maiatzean baino 7 guttiago. Adin tarte horretako emakumeen artean, berriz, 5 guttiago daude langabezian, 451. 25 urtez beheitiko gizasemeen artean maiatzean baino 10 guttiago daude langabezian, 32 lagun denera. Adin tarte horretako emakume gazteen artean ere maiatzean baino 5 langabetu guttiago daude, 31 denera.
Zerbitzuen arloak segitzen du langabe gehien izaten, baina maiatzean baino 23 guttiago ditu, 629tik 606ra pasatuz. Industria arloan, aldiz, 10 langabetu gehiago daude, 152 denera. Eraikuntzan 3 langabetu guttiago daude, 67. Nekazaritzan, bi langabetu guttiago daude, 24 denera, eta aitzinetik lanik egin ez dutenen artean, 44 lagun daude langabezian, maiatzean baino 9 guttiago.