Urrezko Aizkorako finalak
Urrezko mailako aizkolari txapelketari dagokionez, lau aizkolari ariko dira lehian. Jon Rekondo leitzarra izanen da eskualdeko ordezkari bakarra. Berekin batera, azken bortz edizioetan azpitxapeldun izan den Dimako Aitzol Atutxa II, Errezilgo Xabier Orbegozo Arria V eta Beizamako Eneko Otaño ariko dira txapelaren bila.
Gazte mailako finalean azken orduko aldaketak izan dira. 2015ean 19 urtez beheitiko kategorian txapeldun izan zen Julen Larrea III aritzekoa zen, baina hanka hautsi eta ez da finalean izanen. Hortaz, Eneko Saralegi leitzarrak Eloi Kortxero arabarra izanen du arerio.