Arizkundik abiatuta Soalarrerako bidea hartuko dute mendizaleek. Gero Iñarbegira jeitsiko dira eta ondotik Istauz, Argañeta eta Urruskan barna ibiliko dira, Berdaitzera jeitsi aitzinetik. Handik Zarkindegira abiatuko dira eta Gerenda eta Agozpeko presatik pasatuta Arrondoko bordara ailegatuko dira. Maulitxera igota, Arizkun alderako bidea hartuko dute maldan beheiti.
Izen-ematea
Mendi itzuliaren eguna baino lehen, Internetez izena emateko epea maiatzaren 27an akituko da, eta interesatuek www.mendizmendi.com web orrian egin dezakete zortzi euro ordainduta. Horrez gain, info@baztangomendigoizaleak.org helbidera idatzita edo 680 456867 telefonora deituta ere apunta daiteke. Edo bertzela, egunean berean Arizkunen, 10 euro ordainduta eta 06:15etatik aitzinera.
Ibilbidea 07:00etatik 07:30era abiatuko da. Informazio gehiago: www.baztangomendigoizaleak.org.
