Beraz, Malerrekako bi erremontelariak izanen dira finaleko beteranoak eta lehen aldiz final handi bat jokatuko duten gazteak izanen dituzte lagun. Ortzegunean egin zuten pilota aukeraketa Galarretan eta Xanti Utergak aipatu zuenez, «sakearekin min egiteko pilotak aukeratu ditugu». Endikak, bere aldetik, «finala irabazteko atzera jokatu beharko dugu, Uterga saihestuz, baina gauza bat esatea da eta bestea hori lortzea». Joan den urtean Zeberio II lagun zuela irabazi zuen Sagardoaren txapelketa Endikak eta binakako txapelketa ere irabazia da Ezkurrarekin.
Larunbateko jaialdia Galarretan
1. Zaldua-Larrañaga; Otaegi-Labakaren kontra
2. Uterga-Aizpuru III (Bereziartua); Segurola-Endika (Petritegi) SAGARDOAREN TXAPELKETAKO FINALA
3. Urriza-Zubiri; Ezkurra II-Barrenetxea IV.aren kontra
4. Matxin III-Etxeberria III; Ansa II-Ionen kontra