Beti Gazte A taldean, Markel Suarez, Lander Landiribar, Beñardo Iantzi eta Gerardo Telletxea aritu ziren, Julen Palenzuela eta Agoitz Altzugarai erakusle zituztela eta finala irabazi zioten Beti Gazte B taldeari (Karmelo Mitxelena, Ander Mitxelena, Xuban Larretxea eta Paskual Taberna, laguntzaile Mikel Apeztegia zutela). Txantreak osatu zuen podiuma, eta Berriozar A laugarren, Berriozar B bosgarren eta Kaskallueta seigarren izan ziren.
Emakumezkoen 255 kilokoan, Txantrea nagusi izan zen, Kaskallueta, Berriozar eta Bizindar taldeen aitzinetik.
20 urtez beheitiko kategorian, Berriozarrek 3 puntu lortu zituen, Basaburua 2 puntu eta Araxes 1.
Kadetetan, Baztango Basaburua izan zen eskualdeko ordezkaria. Zortzi talde ari direnez, bi multzotan banatuak aritzen dira eta bietan baztandarrak nagusitu ziren.
A multzoan Basaburua A lehenbizikoa izan zen (4 puntu), Andra Mari bigarren (3 puntu), Araxes hirugarren (2 puntu) eta Berriozar A laugarren (puntu 1),
B multzoan, Basaburua B nagusitu zen (4 puntu), Iñigo Aritza (2,5 puntu), Beriain (2,5 puntu) eta Berriozar B (puntu 1).
Azken jardunaldiak
Maiatzaren 7an, 18:00etan Antsoaingo pilotalekuan, gizonezkoen 300 kiloko eta emakumeen 235 kiloko lehen jardunaldiak eta kadeteen eta 20 urtez azpikoen hirugarren jardunaldiak jokatuko dituzte. Ordubete lehenago, Euskal Herriko lehen mailako jautsiera kanporaketa jokatuko da Aurtizko Ander Erasun eta Lezaungo Juanjo Lopezen artean.
Bukatzeko, maiatzaren 14an, Berroetako plazan 17:30ean, gizonezkoen 300 kiloko eta emakumezkoen 235 kiloko bigarren jardunaldiak eta lehen bi sailkatuen arteko finalak, kadeteen finalerdiak eta finala eta 20 urtez azpikoen laugarren jardunaldia jokatuko dira.
