Iazko ekintzen inguruan solastu ziren lehenbizi, eta bi gai aipagarri zeuden. Futbolean, jubenilen talderik ez dagoela aurten, jende gutti zegolako hasiera batean erregionaleko taldea eta jubenilena osatzeko, eta beraz talde bakarra martxan jartzea erabaki zen, erregionalekoaa 24 kiderekin. Txirrindularitzan, aipagarriena iazko Berako bestetako lasterketa ez zela egin, lanean aritzeko (bidegurutzetan egoteko eta motoekin) boluntario guttiegi zeudelako. Maiatzeko lasterketan, Félix Errandonea memorialean, arazo berdina izan zen baina azken orduko mehatxuarekin (boluntario gabe ezin da lasterketarik egin) egitea lortu zen.
Batzarrean solastutako bertze gaien artean aipamenak izan ziren elkarteak antolatzen ditun ekintzen inguruan: Lurraren Eguna, iaz berreskuratu zen aire libreko margo lehiaketa, olentzero eta dios te salve, lizuniagako igoera, mus txapelketa...
2016ko plangintzarekin inguruan aipamen ttiki batzuk egin ziren, 2015eko diru kontuak ere bai (elkarteko balantzea ongi dago, gastu guztiak kubritzeko adina diru sarrera dago), eta galde-eskeentzako tarte bat utziz bukatu zen batzarra. Bertaratuentzako, iamoteneak berak duen elkarte gastronomikoan luntx eder bat eman zen bukaeran.
