Lezamako txapelketa, afizionatu mailako entzutetsuenetakoa da. Errandonea eta Martinez finalaren hasieratik nagusi izan ziren. Martinezek gibelean dominatu egin zuen eta aitzinean Errandoneak ongi aprobetxatu zituen bere aukerak, 10-2 aitzinetik jartzeko. Baina ez zen erraza suertatu, bizkaitarrak beteranoak baitira eta 11-8ra hurbiltzea lortu zuten. Hurrengo tantuak erabakigarriak izan ziren, eta Errandoneak izandako inspirazioari esker, Berako bikotearen alde erori ziren. Azkenean 22-11 nagusi izan ziren eta Ander Errandonea finaleko pilotari onena izendatu zuten.
Promesas mailan ere txapela ekarri zuen eskualdera Goizuetako Iker Salaberriak. Arangurenekin bikote eginez, 22-14 irabazi zien Alberdi eta Aizpuruari.