Halere, apirilaren 9an, Ines Bengoaren ipuin erotikoak entzuteko aukera ere izanen da
Emakumeen Nazioarteko Egunaren harira, afaria izan zuten Goizuetako emakumeek martxoaren 8an Umore Ona elkartean. 41 emakume bildu ziren eta giro ederrean afaldu zuten, gizonezkoak sukaldari eta zerbitzari zituztela.
Aurretik, martxoaren 6an, Coria eta itsasoa filma ikusteko aukera izan zuten Udaletxeko ganbaran.
Emakumearen Eguneko ospakizunak apirilera ere ailegatuko dira Goizuetan. Apirilaren 9an, Ines Bengoa helduentzako ipuin kontalariak ipuin erotikoak kontatuko ditu 19:00etan Umore Ona elkartean.