Mendi Galan sarituak
Manttalek azaroaren 1ean Izagondoko lasterketan lortutako Nafarroako taldekako txapeldunaren txapela eta trofeoa jaso zituen otsailaren 19an. Aimar Zubietak jaso zuen saria, Iñaki Larrañaga, Maddi Sotil eta Juanra Pikabea Manttaleko lasterkariek lagundurik, Nafarroako Mendi Federazioak Iruñean ospatutako galan. Txus Unsion Manttaleko korrikalariak Xabier Zubieta saria jaso zuen, Nafarroako Kopako mendi lasterketetako parte hartzaile beteranoena izateagatik. Bertzalde, Xabi Macías Cipriainek Luis Mari Pikabea saria jaso zuen, korrikalari gazteenari emandako saria.
Nafarroako Kopako beteranoen sailkapen orokorrean Josema Huizik bosgarren bukatu zuen, hirugarren postutik 24 puntura. Txus Unsionek zazpigarren bukatu zuen.
Mendi lasterketetako selekzioa
Nafarroako Federazioak aurten mendiko lasterketetako Nafarroako selekzioa sortuko duela jakinarazi zuen. Selekzio hau 8-9 korrikalariz osaturik egongo da etakorrikalari hauek batzorde batek erabakiko ditu, hiru lasterketetan egindako parte hartzea baloratuaz, hala nola, apirilaren 17an izanen den Berako Mendi Maratoi erdian, Jurramendi Trail Montejurra eta Xtreme Higa de Monreal.
