Irurita Miguelena taldean, Xabi Barberena sakalaria, Gorka Urtasun numeroa eta Jagoba Ramos eta Egoitz Prim laurdenak aritu ziren. Azpitxapeldun izan zen Doneztebe The Moment taldearekin Pascual Bertiz sakalaria, Koldo Legarra numeroa eta Jokin Arraztoa eta Javier Bertiz laurdenak aritu ziren.
Lehenbiziko bi jokoak doneztebarrek eginzituzten ere eta hasieran Malerrekakoek agindu zuten: 0-2, 1-2, 1-3, 2-3, 2-4. Baina lau joko segidan lortu zituzten iruritarrek (6-4) eta bukaera arte eutsi zioten aitzinaldeari (6-5, 8-5, 8-6 eta 9-6).
Joan den urtean doneztebarrak gailendu zitzaizkien iruritarrei Oizko plazan (5-9), beraz, aurten errebantxa hartu du Iruritak.
Epaile lanetan Jose Javier Elizaintzin (Irurita), Iñaki Mihura (Arraioz) eta Jose Miguel Artazkoz (Doneztebe) aritu ziren eta Josu Prim marrazain. Hain zuzen, sari banaketan omenalditxoa eskaini zioten Prim-i, hainbat urtez laxoaren alde egindako lana eskertuz. Horretaz gain, Gorka Urtasunek jaso zuen finaleko jokalari onenari Mikel Eizagirre zaleak ematen duen saria.
Hirugarren postua Doneztebera
Larunbat goizean jokatu zen hirugarren posturako norgehiagokan Doneztebe Avia taldeak (Javiertxo Almandoz, Asier Mutuberria, Juan Telletxea eta Jokin Apezetxea) irabazi zion Arraioz B Lur sagardia taldeari (Mikel Mindegia, Xabier Mihura, Aritz Alunda eta Xabier Maritorena)
