Bi kanaerdiko moztu behar zituzten eta denetik bizkorrena, alde nabarmenarekin, Arostegiko Oier Kañamares izan zen (4:46). Kasik minutuko aldea atera zion Zigako Joxean Etxeberriari (5:41). Beintza-Labaiengo Jon Telletxea izan zen hirugarrena (6:05) eta Arbizuko Iosu Agirre laugarren (6:34). Finalerako azken txartela ematen zuen bosgarren posturako lehia polita izan zen eta azkenean Ezkurrako Moises Gogorzak lortu zuen (8:11). Beraz, herrian jokatuko den finalean aritzeko modua izanen du Gogorzak.
Finaletik kanpo gelditu ziren Olaztiko Abel Uria (8:48), Gerendiaingo Esteban Pikabea (9:16) eta Uharteko Koldo Garcia (12:07).