Ohi bezala, 50 koxkor bildu behar izan zituzten, 1,25 metrotara jarriak bi lerrotan. Bizkorrena faborito nagusia izan zen, Fernando Etxegarai beratarra, sei minutu eta 10 segundotan bete baitzuen lana. Etxegaraik 16 aldiz irabazia du Nafarroako txapelketa eta bertze zortzitan Euskal Herrikoa. Bigarren Andoni Lasaga etxalatarra izan zen (6.36), hirugarren Berriozarko Eder Goldarazena (6.46), laugarren Anizko Unai Iantzi (6.48) eta bosgarren Etxalarko Iñigo Lasaga (7.01). Beraz, bortz kirolari hauek izanen dira uztailaren 26an Elizondon jokatuko den finalean. Finaletik kanpo gelditu ziren seigarren Elizondoko Mikel Iantzi (7.13) eta zazpigarren Berriozarko Iker Mariezkurrena (7.24).