Larunbat goizeko 8etan mendi martxa egitekoak dira Sunbillatik Elgorriagara, Malerrekako Gazte Asanbladak antolatua. 08:30ean gosaria. Goizeko 10etan harrera ekitaldia eginen da eta Musika Eskolako musikariak ibiliko dira harat-honatean. Goiz osoan zehar artisauak eta talogileak eliz atarian eta pisu azpiko patioan egonen dira. 10:30etik 12:30era Sunbilla, Doneztebe eta Iturengo dantzarien eta Mendi abesbatzaren emanaldia frontoian izanen dira. 12:30ean Donamariko buru-handiak umeen gozamenerako; 13:00etan joaldunak eta “Malerreka Leihotik Begira” lehiaketako lanen irakurketa eta sari banaketa; 14:00etan paella jatea frontoian Malerreka Kantuz-ekoek alaituta (Txartelak Mankomunitatean, 948 451746). Laxoa pilotari buruzko erakusketa ere ikusgai izanen da. Arratsaldeko egitarauan honako ekitaldi hauek burutuko dira: 16:00etan Muxikoak, Malerrekako Mus Txapelketaren finala (Herriko ostatuan); 17:00etan umeendako jokoak eta txokolatada, ondotik aizkora apustua eta herri kirolak. 20:00etan zozketa eta mus txapelketaren sari banaketa; ondotik, ekitaldi ofizialari bukaera emateko, Iturengo herriari lekukoa pasatzeko ekitaldia eginen da. 21:30ean Hilarionen afaria eta 23:00etatik 02:00etara Oharkabe taldearen bigarren emanaldia. Gero, DJ Endararen emanaldia. Egun horretako gastuei aurre egiteko sariak zozketatuko dira eta txartelak salgai daude dagoeneko han eta hemen.